Yobo 14:10 - Amazwi Yakwe Leza 2013

¹⁰ Lelo umuntu ndi cakuti wala wafwa, asiya na maka awe. Uzye umuntu lino wata ukufuuta, wene akaya kwi?

Yobo 14:10 ပူးပေါင်းရင်းမြစ်များ

Utandiko 49:33

Lino Yakobo wamalila kutungulula ana yakwe aonsi mu mazwi, alala pa musanzi wakwe, nga afwa.

1 Milandu 29:15

We Yawe, umanyile ukuti mu umi witu tuli wa enyi na inamasi, ndi vino ivikolwe vitu vyali. Amanda itu akwikala pano nsi yali wa cinzingwa icikupita, nupya tutangutuka imfwa.

Yobo 10:18

“We Leza we, icani cino walesile ukuti mvyalwe? Fwandi cangecinzipile ukufwila munda yakwe mayo, ukwaula kuti umuntu nanti umwi andole.

Yobo 11:20

Nga lelo antu akacita inkota yalati ndi yacelecensya, yatalalola ukwa kuutukila. Yalalolela sile ukupumbuka nu kufwa.”

Yobo 13:9

Ndi cakuti Leza wakasi uku muceceta, uzye ivisuma cii vino angazana muno muli? Uzye mukuti mungatumpoka nu kucenjezya Leza ndi vino mukacenjezya antu uku ufi winu?

Yobo 14:12

Umuntu nawe ndi wafwa asikatuka nupya, ala walalilila casila. Amayulu yalasuka yapanguluke, uwafwa wene atacili akatuke, kutanga kuloleke uwakumukatusya umu tulo twakwe.

Yobo 14:9

ukaiza iupuka nga uvwa umunyezi, iulemba nu tumafwa ututekete cuze.

Yobo 19:26

Nanti ningasila insyale amafupa yatupu, namanya ukuti lino ndakatuka wene alampalamika kunoli. Alino lyene ndalola Leza nu mwili wane kwene.

Yobo 20:7

lelo wene alongoloka sile wa muyeye. Na yayo amumanyile yatandika nu kuuzya yati, Mwe, uzye umuntu wilya waya kwi?

Yobo 3:11

“Owe mwe! Uzye pacani cino ntafwilile lino nkuvyalwa, nanti pacisila cakufuma mu ndilwa inte ukufuta?

Yobo 3:13

Vyonsi vivyo vikana kucitika, ngano vii nkupuza. Ngano nindala utulo ninkasula.

Yobo 7:21

Uzye kwene utange unjeleko uluse apakukwifya kuno nakwifya, nanti usule sile kuli vino nakuluvyanya? Ala nemo nasya mfwe yanzike nu kunzika. Ulandonda, lelo nemo ntalayapo.”

Mapinda 14:32

Umuntu mwipe uyi wakwe uli uno ukamuwisya, lelo wiyo akacita vyaololoke wene akazina mu vicitwa vyakwe ivisuma.

Kasambilizya 3:20

Vyoili kwene vikaya uku ncende ili yonga, ku lukungu. Akuno vyoili vyafumile, nupya akuno vyoili vilaswilila.

Kasambilizya 3:21

Nga fwandi umuntu angasininkizya uli ukuti mupasi wa muntunze ukakwela ukwiyulu, nu mupasi wa nyama wene ukaya pansi mu musili?

Mateo 27:50

Lyene Yesu alaizya ni zwi likulu, nga afwa.

Milimo 5:10

Lilyo kwene Safila apona pansi pipi ni ngazo zyakwe Petulo, afwa. Lino alumendo iingila yazana afwile mpiti. Caleka yamusenda, yaya yamuzika pipi niya.