Yobo 13:24 - Amazwi Yakwe Leza 2013

²⁴ Uzye icani cino wafisama kunondi nu kundola wa mwanisi wako?

Yobo 13:24 ပူးပေါင်းရင်းမြစ်များ

Yobo 10:16

Nanti ningati nkanjitwale apankolelo, wemo ale umandunga kwati avino cisama akalunga. Nupya apakuncuzya ukaswilizyapo ukucita ivipezyamano.

Yobo 10:17

Cila nsita lino ukundwisya ukakwata yakambone aapya. Alino ukali uno wankwatila nene, cila nsita ukuya ukukomelako. Lyonsi ukandwisya umu musango uyiyele upya.

Yobo 10:2

We Leza! Utampela umulandu. Nene sile nemo imanye umulandu uno nakutala.

Yobo 16:9

Cipyu cipyu, Leza watandepola, ala aluminye ni ncecete. Umwanisi wane watantunwila amanso.

Yobo 19:11

Watansokela wakwe cimwi, lyene indi wa mwanisi wakwe.

Yobo 19:22

Umulandu ci uno namwe kwene mungancuzizya, wakwe vino Leza akuncuzya? Uzye mutacili mutonte muno mukunzunya?

Yobo 30:21

Nalola kwati lyene watunsangokela uku ncuzya na maka yako yonsi.

Yobo 31:35

“Owe mwe kalanda we! Uzye aweni angamvwangila kweneko, apakuti Leza anguvwe? Nemo nalanda vyavula. Wamaka yonsi awino casyalila ukungazwa. Umwanisi wane nga akuno ali, angatantika imilandu yane api pepala.

Yobo 33:10

Leza sile ali wino akulondelezya sile umwakumpelela umulandu nu kuncita watancita wa mwanisi.

Masamu 10:1

We Yawe, uzye pacani cino uyelile kutali naswe? Uzye pacani cino waifisa apa nsita ino tuli umu ntazi?

Masamu 13:1

We Yawe, uzye cilapelela pi? Uzye ulanjililila vivyo kwene? Utamfutatila! Uzye ulangalukila?

Masamu 44:24

Icani cino ukufisama kunotuli? Utailila amacuzi itu nu ku malanda itu!

Masamu 44:25

Yati yatufwantola pansi, iyatucimvya, tulambalile umu lukungu.

Masamu 88:14

We Yawe, uzye pacani cino wantazyela? Uzye pacani cino wamfutatila?

Ezaya 8:17

Yawe wafisama uku manso ya antu yakwe, amu mupanda wakwe Yakobo. Lelo nemo namutaila nu kulolela awino inkalolela.

Nyimbo zya ndosya 2:5

Yawe wataonona Izlaeli ungati umwanisi wakwe. Wataongolola amasano yakwe yamwene kumwi na malinga aya mwenemo. Wataletela antu amu Yuda ulanda uno utangasila.

Malango 32:20

Avwanga ati, ‘Nata intalatala njazwilizye,’ ‘pakuti lyene nkayalozye, antu yano yatalama, nupya asi yakutailwa.

2 Tesalonika 3:15

Mutamucita wa mwanisi. Lelo mulinzile kumusoka wa mwina kunomuli.

1 Samueli 28:16

Samueli amunena ati, “Uzye pacani cino wiza ku kuuzya kunondi, apakuzana ukuti Yawe watakufutatila nga nupya wataya umwanisi wako?