Yobo 12:9 - Amazwi Yakwe Leza 2013

⁹ Uzye lyene mu vintu vivyo vyonsi, icani cino nemo ntamanyile ukuti Yawe aliwe uwaciumba?

Yobo 12:9 ပူးပေါင်းရင်းမြစ်များ

Utandiko 1:20

Nupya Leza avwanga ati, “Mu manzi kamuye viumbwa vya umi vya misango ni misango musenyantumba.” Nga ni vyunyi vyapapuka mu lwelele.

Yobo 12:3

Lelo nani kwene inkweti amano wakwe yano mukweti. Nupya natimanya mpiti vivyo vyonsi vino mwati mulanda.

Yobo 12:8

Nanti yanga uku visela ivyamu nsi nanti uku nswi zyamuli yemba, vyayakunena nu kukupanda amano.

Yobo 13:1

Yobo atwalilila ukwasuka ati, “Vivyo vyonsi nani kwene nailolela ntontonto na manso yane, nu kuyuvwila na matwi yane. Nga nu kwiluka, niluka mpiti.

Yobo 22:18

Lelo kwene nanti cali vivyo, a Leza kwene uwayasambazizye ni vintu visuma vyonsi umu mang'anda yao. Kwene nemo cingampezya amano pakuzumilizya imyelenganyizizye ya antu aipe.

Ezaya 41:20

Alala antu yalola vii, yace yamanye ukuti anene ne Yawe nene naomba vii. Yalailuka nu kuvwikisya ukuti ne Leza Wamuzilo wakwe Izlaeli, anene nalenga ukuti vii, viyepo.”

Danieli 5:18

“Iye mwene, ala Leza wapapelapela walasike so Nebukadineza pa cilimba ca wene, aya umwene mukulu amupeela na amaka nu lulumbi nu usambazi.

Danieli 9:17

We Leza, si angala uvwe ipepo nu kupapata kwane ne muomvi wako. Si leka Ng'anda yako ikulu ino yononwa iwelele vino yali, apakuti umuntu wensi amanye ukuti wewe uli Leza.

Milimo 19:35

Alino pa kusyalikizya kalemba uwamu musumba pa kumyalalika iumba alinena ati, “Mwe ina Efeso! Muntu wensi wamanya ukuti amu musumba wa Efeso ali yakalolela ya ng'anda ikulu yakwe Alitemi mukulu, nupya ali yakalolela aiwe ilyamuzilo lyaponyile kufuma mwiyulu.

Loma 11:36

Pano vintu vyonsi vyaumvilwe na aliwe, nupya vintu vyonsi vyacisilwe pamulandu na aliwe, lulumbi luye kunoli manda pe. Ameni.

1 Samueli 2:7

Yawe akaleka akama yaya apina, nga apina nayo yaya akama. Wene akasausya nu kucindamika antu.