Yobo 11:3 - Amazwi Yakwe Leza 2013

³ We Yobo, uzye wemo ukwelenganya ukuti antu yangikala cele apa kuwowota kwako? Uzye kutangaya umuntu umwi wakukukanya lino ukusyenteka antu?

Yobo 11:3 ပူးပေါင်းရင်းမြစ်များ

Yobo 12:4

Na yacuza yane kwene yakunseka. Nanti angala napapasile kuli Leza nga nawe angasuka, nene wakaele, uwaula umulandu ku muntu, lelo yakanseka.

Yobo 13:4

Pano mwemo mukulonda sile mwailanga apakulanda ivyantumpu. Mwensi pyu umu mvwango zinu mukoline na yasing'anga.

Yobo 13:9

Ndi cakuti Leza wakasi uku muceceta, uzye ivisuma cii vino angazana muno muli? Uzye mukuti mungatumpoka nu kucenjezya Leza ndi vino mukacenjezya antu uku ufi winu?

Yobo 17:2

Ica cumi apano yali yayo aku nsyenteka. Inkulola ntontonto na manso yane kuno yakunseka.

Yobo 21:3

Muteke imyenzo lino mukuvwa vino nkulanda. Ndi cakuti namala ukuvwanga, lyene ndi mukasi mungambwela.

Yobo 24:25

Uzye umwi angakana ukuti avino cikaya? Aweni angansinila ukuti nkuvwanga ivyantumpu?”

Yobo 34:7

Uzye mwemo mwatala mwalola umuntu uwaya wakwe Yobo? Yobo wii acivwangevwange kuli Leza,

Masamu 35:16

Ala yakuncuzya, yakuncita wa ciwelewele, nu kundumila incecete.

Masamu 83:16

Uleke insonyi ziyaleme apa manso yao, suka sile yalonde izina lyako, we Yawe Leza.

Yelemiya 15:17

Ntatala nazangila ukwikala mwiumba lya antu ya misowe, nanti ukusekaseka pamwi nayo. Lelo apa kuyela ilamulo lyako, nikalanga sile nenga nupya umusoke.

2 Tesalonika 3:14

Umwi uwa munomuli ndi wakana kuyela mazwi yano twamulembela muli kalata wii, muwakini nupya cenjelini nawe kuti aye ni nsonyi.

Tito 2:8

Waomvya mazwi ya cumi yano atangaleta mulandu, pakuti anisi yako yangacitwa insonyi pa kuntavwanga ciipe pali sweswe.

Yuda 1:18

Yalanzile kunomuli yati, “Lino manda ya mpela yaliza, kulaya antu akalondela ivilondwa vyao visi vya upefi, alamuseka.”