Yobo 11:19 - Amazwi Yakwe Leza 2013

¹⁹ Lino ulapuza kutalaya nanti umwi uwa kukupuzola, na antu aingi yalalenga uwazwilizyo kunuli.

Yobo 11:19 ပူးပေါင်းရင်းမြစ်များ

2 Milandu 20:30

Pamulandu uu, kwali umutende utantalile uwaku matwi cele umu uteko onsi wakwe Yeosafati nu ku inipamba

Yobo 11:18

Ulaikala ku matwi cele ukwaula ukuvwa ivyakuuvwauvwa apamulandu wakuti ulataila penepo cimwi. Leza alakusunga nu kwikala ulaikala umutende.

Masamu 127:2

Mukaicuzya sile ukuzyuka akatondotondo nu kucelwa apakuya umu kulala, pamulandu wakuculila ivyakulya. Pano Yawe akapeela kuli yayo yonsi yano watemwa, umu nsita lino yali umu tulo.

Masamu 4:8

Lino nkalambalala, nkakasula utulo mu mutende, pano awewe sile, we Yawe, wemuno ukansunga ningo.

Masamu 45:12

Antu yaku Tuli yamakutulanga ivintu, na akama nayo yamakusansamusyanga apakuti nawe uwa yavwangilako.

Mapinda 19:6

Umuntu mukankala, antu aingi yakamulyombeka, nupya umuntu kapekape acuza wakwe yonsi.

Mapinda 3:24

Utalaoopa cimwi nga waya uku kulala, nupya ulailalila sile usiku onsi.

Ezaya 17:2

Imisumba yaku Aloeli mutalatala mwikale umuntu nupya. Lelo ilaya sile impanga ya kucemelamo, muno imfwele ni ng'ombe zilaaliila, nupya kutalaya nanti wenga alazizinga.

Ezaya 45:14

Yawe wavwanga ku ina Izlaeli wati, “Cuma caku Eguputo ni vyauculuzi vyaku Kusyi, vilaya ivyakwinu. Antu aku Seba, amusinku utali, yalawela kunomuli yaye azya inu nu kumulondelela icisila ala yali mu minyololo. Yalamufukamila nu kuzumila yati, ‘Cumi kwene Leza ali namwe, nga kutaya namuze. Kutaya Leza namuze.

Ezaya 60:14

Ana ya antu yano yakakucuzya, yaliza yakufukamila apa kukucindika. Yonsi sile yano yakusuuzile mpiti yaliza yafukankila kunuli. Yalakwama nu kuti we musumba wakwe Yawe nupya ala yakuti ‘Zioni umusumba wakwe Leza Wamuzilo wakwe Izlaeli.’

Ezekelo 34:28

Yalata ukuya ivisampwa vya mitundu, ni vilyanyi vya mpanga vitalaayalya. Yalaikala mutende, kutalaya nupya uwa kuyacuzya.

Aina Levi 26:6

“Nkalenga kuti mu mpanga inu muye mutende, nupya mukaalala utulo kwaula koopa nanti umwi. Indi nu kuzinga ivilyanyi vyamu mpanga inu. Nupya mu mpanga inu musiiya inkondo.

Mika 4:4

Lelo umuntu ali wensi alaikalila mu mutende apakasi ka mitingi ni misamvu yakwe. Kusi nanti umwi alayoofya, pano Yawe Wamaka yonsi uwatavwanga vintu vii.

Zefaniya 3:13

Aina Izlaeli alasyalapo yatalifya ku muntu awe. Yene yatalatumpoka awe, nanti ukulanda ivyaucenjezi, foo. Yalaya nu longo nu kuikalila uku matwi cele, ukwaula nanti aumwi uwakuyasonsomba.”

Umbwilo 3:9

Uvwa! Kuli antu yamwi amwi umba lyakwe Ciwa, yene yakatumpoka pa kuilanda yati Ayuda lino yasi Ayuda. Ndalenga kuti ize yafukame pa ngazo zyako. Lyene yalamanya vino nakutemwa.