Yobo 11:17 - Amazwi Yakwe Leza 2013

¹⁷ Uwikazi wako ulawala ukuluta navino ilanzi likawala lino lyafika apakasi kamutwe. Uwikazi wako ulasenula imfizi ukuya pali namukokolo, uku macaca.

Yobo 11:17 ပူးပေါင်းရင်းမြစ်များ

1 Milandu 29:10

Davidi alumbanya Yawe apa manso ya antu yonsi akongine. Avwanga ati, “We Yawe Leza wakwe Izlaeli icikolwe citu, si antu yakulumbanye umuyayaya.

Yobo 11:18

Ulaikala ku matwi cele ukwaula ukuvwa ivyakuuvwauvwa apamulandu wakuti ulataila penepo cimwi. Leza alakusunga nu kwikala ulaikala umutende.

Yobo 22:26

Ndi wacita vivyo, lyene ulazangila muli Leza Wamaka yonsi, nu kupaalila munoli umu kupama amanda pe.

Yobo 22:28

Lyene ulaya nu longo mu mulimo onsi uno ulelengaya ukuomba, alino nu luswepo lulayengesela umu nzila yako yonsi.

Yobo 29:3

Leza wali nani lyonsi nu kunkozezya, ali wino wankozezyanga uluswepo lino nkupita umukanda.

Masamu 112:4

Uluswepo lukakozezya umufite uku antu asuma, kuli yao a luse, ankumbu nupya alungami.

Masamu 37:6

Alalenga nu kuti usuma wako wayengesa wa luswepo, nu ulungami wako ulawala wakasanya apakasi kamutwe.

Masamu 92:14

Ino ikaseeka iviseekwa nalino yatikota kwene, nu kuya sile ileleme nupya iyamaka.

Masamu 97:11

Uluswepo lukayengesela yayo akacita vyaololoke, nga antu yayo yaya ni nsansa.

Mapinda 4:18

Inzila ya antu asuma, yaya wa luswepo lwa pamacaca, lulo ulukakulilako mpaka ilanzi ilisanzama.

Oseya 6:3

Lekini twezye ukumanya Yawe. Lekini tutukusye ukumumanya. Cumi kwene aliza kunotuli wa kutunka kwi lanzi, aliza kunotuli wa mvula ya macesya, ni yapa mooko ino ikatontekela umusili.”

Malaki 4:2

Lelo mwemo mwe muno mukanjela, amaka yane akutuula yaliza pano muli wa kutunka kwi lanzi, nu kuleta ukupoziwa kwa micalalazi yi lanzi. “Namwe mulacena wa twana twa ng'ombe tuno yayulila kuti tufume mu citata.