Yobo 11:12 - Amazwi Yakwe Leza 2013

¹² Ndi cakuti colwa angavyala umwana umufumaluke, ale lyene tungati ni ciwelewele kwene cingakwata amano yampomvu.

Yobo 11:12 ပူးပေါင်းရင်းမြစ်များ

Yobo 15:14

“Uzye kwene umuntu uwala wavyalwa uku mwanaci nawe waya umufumaluke? Uzye kungaya akacita vyaololoke lyonsi kuno ali?

Yobo 28:28

Fwandi lyene ali vino wanenyile nu muntunze ukuti, ukuya ni coopo kuli Leza ali kukwata amano, nu kufuntuka uku kucita iviipe, ali kwiluka.”

Yobo 5:13

Wene akavulunganya amapange ya antu yamano, nu kulemenkezya incenjezi mu ucenjezi wao.

Yobo 6:5

Uzye colwa akalila lino akulya isote? Nanti uzye ing'ombe isiikala cele lilyo lino ikulya umulemvwe?

Masamu 144:4

Umuntu akoline sile nu mupu, nga na manda yakwe icili conga sile ni cinzingwa icikapita.

Masamu 39:11

Ukakalipila umuntu umukumusinkola apa uyi wakwe, alino nupya ukasyunola vyonsi vino wakwata wa kazizi. Acino fwandi, umuntu wensi pano wapeela waya sile wa cipunga camuza.

Masamu 39:5

Ala wemo wipimpanzya insita ya umi wane, uwakwikala pano nsi! Kuli wewe umi wane ukaloleka sile uwa ciwelewele. Nu mucumi umuntu wensi waya sile wa mupu,

Masamu 51:5

Kwene nemo navyalilwe umu luyembu. Lino mayo wanyomelile indilwa yane, nali umwipe.

Masamu 73:22

Ata see, cali sile ukutumpa kwane, nga nu kuntiluka ukwa vintu. Apa manso yako nayanga wa nyama ya mpanga.

Masamu 92:6

Icintu cimwi cino iciwelewele caposiwa ukwiluka aeci,

Kasambilizya 1:2

Kasambilizya walanda wati, “Vyonsi vitakwata muzano, mutaya muzano. Umi mutaya muzano, vyonsi sile mutaya muzano.”

Kasambilizya 11:10

Mutaleka imyenzo inu yaaziwa nanti ukucuziwa. Endi, uwance winu utalalengela foo.

Kasambilizya 3:18

Nasondolwile ukuti Leza akaezya swe antu, kuti atulange vino twalingana ni nyama.

Yelemiya 2:24

Icili conga sile na punda wa kaci wino akutandala mu lwanga, umu kuzumba impuno ukuli uwa kalume. Lino watapamviwa kusi wino angamutonsya, amulesye. Uwa kalume wensi wino akumulonda wene atange acule foo.

Loma 1:22

Yakaitaka kuya antu yamano, lelo yene iviwelewele.

Loma 12:16

Mwasakamalana, mutaitumika lelo mwazumila ukuombela na antu yasilesile. Mutailola kuya a mano.

Efeso 2:3

Mu cumi naswe kwene avino twali lino twatungululwanga ni vilondwa vya civyalilwa citu, ala tukucita vintu vino mili na melenganyo itu yalondanga. Swemo twasosya Leza nupya twali nu kuvunukwa.

Yakobo 2:20

Ciwelewele we! Uzye ukulonda kuti yakulange vino utailo uno usyatungulula ku kucita milimo isuma ala wene uwasilesile?