Yobo 11:11 - Amazwi Yakwe Leza 2013

¹¹ Pasi pano Leza wene wamanya antu asi asomvi, nupya wene akalola iviipe vyonsi vino yakacita, nu kuviusya akaviusya.

Yobo 11:11 ပူးပေါင်းရင်းမြစ်များ

Yobo 24:23

Limwi nalyo Leza akaleka antu kwene yayo aipe, yaikalile ku matwi cele, ala ukuya kwene amanso yakwe, asumvile sana kunoyali nu kupeketa imipitile yao yonsi.

Yobo 28:24

Pano wene wamanya na kuno impanga yonsi yapelela. Wene akapeketa vyonsi ivyaya pano nsi, apisika liyulu.

Yobo 31:4

Uzye Leza asilola imiyele yane yonsi, nu kumanya wamanya ningo imipitile yane yonsi.

Masamu 10:11

Umwipe akaelenganya umu mwenzo ati, “Leza atasakamile! Watazyata amanso nga atangatale andole!”

Masamu 10:14

Lelo we Leza ukalola umulanda nu mucuzi akuilizyanya, nga waiteyanya lyonsi ukuyazwilizya. Umupina akaituula kunuli. Wewe uli kazwa wa ana asyale.

Masamu 33:13

Yawe wa mwiyulu akatamba, nu kulola ana ya antu yonsi.

Masamu 35:22

We Yawe, ukailolela vivyo vyonsi, ali cino fwandi, utezya usuleko. Nupya utantazyela musambazi, utantaluka foo.

Masamu 94:11

Yawe Umwene wamanya vino yakaelenganya, wamanya nu mwalola imyelenganyizizye yao iyauwelewele.

Kasambilizya 5:8

Utazunguka lino walola ukuti uteko ukutitikizya apina nu kuyafyenga mu nsambu zyao. Cilolo wensi wacingililwa na wiyo akamwangalila, alino yaa yoili yacingililwa ni vilolo iviyalusile.

Oseya 7:2

Lelo yene yasiiluka ukuti nemo nkaiusya ivicitwa vyao vyonsi iviipe. Amaifyo yao yayalizizya monsi, nupya lyonsi kwene nkayalola.

Habakuku 1:13

Amanso yako aziliziwe cakuti yasilonda ukulola iviipe. Utangazumilizya antu aipe yatwalilile ukuyembula insi. Umulandu cii cino ungazumilizya vyamusango uu ku antu aipe? Uzye apacani cino utangatola ulutampulo lwakulesya aipe ukulovya asuma nanti akaele?

Ayebulai 4:13

Kusi cimwi cingafisama ku manso yakwe Leza. Vintu vyonsi mu uumbo onsi vili paswe nupya wene akavilola. Swensi kwene tulinzile kuilondolwela kunoli.

Umbwilo 2:23

Nupya ndakoma ana yakwe onsi, nga lyene mauvi yonsi yalamanya ukuti nemo namanya amelenganyo nu kulonda kwa muntu wensi. Ndapela cilambu kuli cila muntu uwa munomuli kulingana ni milimo yakwe.