Yobo 11:10 - Amazwi Yakwe Leza 2013

¹⁰ Leza ndi cakuti watile akwame, akolonganike na antu apakuti akupeele umulandu, uzye kungayako umwi uwakumukanya?

Yobo 11:10 ပူးပေါင်းရင်းမြစ်များ

Yobo 11:9

Cipimo ca maka yakwe caluta insi yonsi uku ukulu. Amano yakwe Leza yaluta kumwi na yemba kwene ukukula.

Yobo 12:14

Cino wene waongolola kutange kuye uwa kucikuula, wene nga wanyepa umuntu kutange kuye angamusapula.

Yobo 34:29

Ale lelo tuti Leza ndi cakuti atakasi ukuyaasuka, uzye kungaya uwakumusokonsya? Nanti ndi cakuti wene wavimba apa manso, uzye kungaya uwakumulola? Kusi!

Yobo 38:8

Aweni uwayazile ivisasa nu kucilikila yemba, lilya lino wacisile kwati akulompoka muno wali?

Yobo 5:18

Pano Leza aliwe akacisa ivilonda, nu kupozya aliwe kwene wamanya ukupozya. Wene akacisa, lelo amakasa yakwe iyapozya nu kupozya.

Yobo 9:4

Icumi Leza uwamano, nga na maka yakwe nayo akalamba. Antu yayo amutalamila, ala yailetelela sile.

Masamu 31:8

Utantazyela foo, nanti uku nsumbila umu makasa ya anisi yane. Lelo waleka ukuti naipitila sile nenga ukwitolo.

Ezaya 14:27

Yawe Wamaka yonsi ndi cakuti wapingula, aweni angavulunganya upinguzi wakwe? Ndi wakatusya ikasa, uzye angaliwezezya aweni?

Ezaya 41:27

Anene sile nenga ne Yawe Leza nanenela calimwi Zioni imilandu. Anene natumile inkombe ku Yelusalemu, uku kuyafisya amazwi ya nsansa, akuti antu yakwe yali umu nzila, yene yakuweluluka kumwao!

Danieli 4:35

Wene akalola antu amu nsi ukuti asilesile. Angeli umwiyulu nga na antu umu nsi yali mu makasa yakwe. Kusi umwi angalesya ukulonda kwakwe, nanti amuzye ati, ‘Uzye cani cino wacita?’

Malango 32:30

Uzye pacani cino umuntu wenga sile wacimvizye antu izimbi, nga na antu yaili sile nayo yacimvizye antu amazimbi ikumi? Apamulandu wakuti Yawe, Leza wao, wayafutata. Leza wao uwamaka yonsi wayatazyela.

Umbwilo 3:7

“Lemba ku ntunguluzi yakwi uvi ku Filadefia uti, “Lii ilandwe kufuma kuli wino uwamuzilo nupya uwa cumi. Wene akweti mfungulo yakwe Kateeka Davidi, nupya lino wayula mulyango, kusi umuntu nanti wenga angauyala, na lino wene wauyala, kusi muntu nanti wenga angauyula.