Yobo 10:9 - Amazwi Yakwe Leza 2013

⁹ We Leza icumi iusya ukuti nemo awewe wambumvile ukufuma ukwivu. Alino lyene fwandi ufutuke nu kunswilizya ukwivu kwene?

Yobo 10:9 ပူးပေါင်းရင်းမြစ်များ

Utandiko 2:7

Lyene Yawe Leza atoola ivu ukufuma ku musili nga apanga umuntu. Alino aputa umupu ukapeela umi mu mpuno yakwe, nga umuntu aya nu umi.

Utandiko 3:19

Ulakailwa pa kuzana ivyakulya kufika lino ulaswilila ku musili kuno waumvilwe. Waumvilwe ukufuma ku musili, nupya ku musili akuno ulaswilila.”

Yobo 10:10

Uzye, asi wewe kwene wapile tata maka akuti amvyale, nu kuleka ukuti inkule umunda muli mayo?

Yobo 17:14

Alino nu kunena imbiko inti, ‘Wewe uli tata.’ Nu kunena ingonyo inti, ‘Mwemwe muli mayo, nupya mwemwe muli yakazi kane.’

Yobo 33:6

Alino wemo ulinzile umanye ukuti nene nawe, sweswe ali yamwi pa manso yakwe Leza. Sweili kwene twaumvilwe ukufuma uku lukungu.

Yobo 34:15

lyene ivintu ivyaumi vyonsi vingalowa pyu. Nu muntu kwene angafwa aswilile nuku lukungu.

Yobo 4:19

Uzye wene angataila uli icaumbwa kwivu, icapangilwa ku lukungu, cico icingavungolwa wa kazizi.

Yobo 7:21

Uzye kwene utange unjeleko uluse apakukwifya kuno nakwifya, nanti usule sile kuli vino nakuluvyanya? Ala nemo nasya mfwe yanzike nu kunzika. Ulandonda, lelo nemo ntalayapo.”

Yobo 7:7

“Owe Mwe! We Leza wane sungala wiusye ukuti umi wane ukoline nu mupu. Nemo ntalatala ndole uluzango nupya.

Masamu 103:14

Pano wene wamanya vino watuumba, wamanya nu kuti swemo sweswe lukungu sile.

Masamu 104:29

Ndi cakuti wavifutatila pasi pakuvwa intete. Ndi cakuti watala wavicilikila ukufuta, ala ali mifwile iviswilila nu kulukungu kuno vyafumile.

Masamu 106:4

We Yawe, uwanjiusya lilyo lino ukwazwilizya antu yako, uwa mpempula lino ukupususya yamwi.

Masamu 22:15

Icikolomilo cane caticuma wa lukungu, nu lulimi lwane lwatilulematila ku kanwa. Watunsya wa mufwe umu lukungu lwa mfwa.

Masamu 25:18

Elenganya apa ntazi nu kucula kwane, nu kwelela amaifyo yane yonsi.

Masamu 78:39

Wiiusyanga ukuti, yaa antu sile, yaya wa muza ukapungana ni mipitile ala ali mpitile.

Masamu 89:47

We Mwene ala iusya ukuti umi wa muntu utatantalilila foo! Iusya ukuti antu yonsi yano wemo waumba aina kufwa!

Masamu 90:3

Wemo ukaswilizya umulawa uku lukungu uti nu kuti, “Swilila we, kuno wafumile!”

Kasambilizya 12:7

Imili itu ilaswilila ku lukungu ku musili. Umupu ulaswilila kuli Leza wino watupile.

Ezaya 45:9

Kalanda kuli wiyo akulemanila na Kaumba wakwe, kuli wiyo akoline wa nyungu pakasi ka nyungu zyuze. Uzye ivu linganena nakamata liti, “Uzye ukumata cani?” Nanti limunene liti, “We nakamata, utakweti umanyililo!”

Ezaya 64:7

Kutali uwakuti alaizye izina lyako, nanti wakuti aimilile, ale aemelile kunuli. Pano wemo watufisile icinso cako. Watusuula nu kutusuula apamulandu wa maifyo itu.

Ezaya 64:8

Lelo kwene we Yawe, ala wewe uli Tata. Swemo twaya sile wa mbuulo, nawe wakwe nakamata. Umucumi awewe watuumba.

Yelemiya 18:6

“Mwe ina Izlaeli mwe, uzye nemo ntakwata insambu zyakucita kunomuli vino nakamata akacita ku mbulo? Silolini ivyaya imbulo mu minwe yakwe nakamata, ali vino namwe mwaya mu minwe yane.

Loma 9:21

Uzye nakamata asi ni nsambu zya pa mbulo iya kucita mukanya onga civiya conga cicindame nu mukanya uze civiya cuze cisaluke?

2 Kolinto 4:7

Swemo tukoline wa nyungu muno cuma cii casungwa. Maka ya umi yakafuma kuli Leza, asi kuno tuli.