Yobo 10:8 - Amazwi Yakwe Leza 2013

⁸ “Amakasa yako alio yambumvile nu kunjeletula ningo. Uzye lyene ndakai ukasi ukungonona ku makasa yako vwile?

Yobo 10:8 ပူးပေါင်းရင်းမြစ်များ

Yobo 10:3

Uzye fwandi wemo icisuma vikwene vino ukuncuzya? Uzye caticikuzanzya ukusuula vikwene vii, umuntu wino waiumbile we mweneco umu minwe yako. Alino nukuzumilizya amapange ya antu aipe?

Yobo 13:19

Uzye akunoli umwi angampeela umulandu? Ndi cakuti akunoli, lekini aize. Ninjiteyanya namazuka cele nga mfwe.

Yobo 30:23

Lyene natimanya ukuti watuntwala ku mfwa sile. Akuno tuce tukakomenkane na afwe.

Yobo 9:17

Pasi pano wene akampamola na mawe ya mvula, nu kunkwavulula ukwaula umulandu.

Yobo 9:22

Ali cico kwene cino nkulukuvwanga inti, ‘Leza akaonona antu akaele kumwi na aipe.’

Masamu 100:3

Manyini ukuti Yawe ali Leza. Aliwe uwatuumvile, nga sweswe akwakwe. Sweswe antu yakwe, imfwele zya ufyo wakwe.

Masamu 119:73

Awewe wampanzile nu kumbumba na makasa yako. Umpeele ukwiluka, pakuti nsambilile amalamulo yako.

Masamu 138:8

Awewe we Yawe ulamalila umulimo wane onsi ndi muno walaila. Uluse lwako ulwa pe na pee. Utatazyela umulimo uno we mweneco watandike!

Masamu 139:15

Lino amafupa yane yapangangwa ningo ningo umu umfisolo umunda muli mayo,

Masamu 139:16

wemo wambweni calimwi lino ntacili mvyalwe, na manda yonsi yalemvilwe nu kupimwa pali nene umu lupapulo lwako. Vyonsi vyalemvilwe nu kupimwa calimwi ala manda yatacili yayepo nanti onga.

Masamu 33:15

Aliwe kwene uwapanzile imyenzo yao onga onga. Wene akaceceta ni vicitwa vyao vyonsi.

Ezaya 43:7

Ya yonsi yakaamilwa kwi zina lyane, nene nayaumvile kuti yampela ululumbi, nayapanzile nu kuyapeela umi.”