Yobo 1:9 - Amazwi Yakwe Leza 2013

⁹ Lelo Satana aasuka Yawe ati, “Ee kwene. Uzye lelo tungati pataya cimwi icalenga kuti aye vivyo?

Yobo 1:9 ပူးပေါင်းရင်းမြစ်များ

Yobo 1:10

Uzye asi wewe kwene ukamucingilila pamwi ni vyuma vyakwe vyonsi? Ukapolelela icili consi cino akacita. Icalenga ni viteekwa vyakwe visanduluke mu mpanga yonsi.

Yobo 1:21

Alino avwanga ati, “Owe Mwe! Navilwe ukwaula nanti cimwi, nga nupya indafwa ukwaula nanti cimwi. Yawe aliwe wampile, nupya Yawe aliwe wapoka. Si Yawe sile wenga awino acindikwe!”

Yobo 2:10

Lelo Yobo wene aasuka umuci ati, “Wemo ukulanda wa mwanaci ciwelewele. Lino Leza watutumila icisuma, tukacipokelela. Uzye lyene tungailizyanya uli lino wene watutumila ulanda?” Icaleka fwandi muli vii vyonsi vino Yobo wacululukanga, wene atatazile avwange iviipe nanti vimwi kuli Leza.

Malaki 1:10

“Si cangecizipe wenga uwamuno muli ayale ivisasa vya mu Ng'anda ikulu yakwe Leza, kuti muposiwe ukupemba umoto wasilesile apa kavuwa kane! Nemo ntakuzangila muno muli, nupya ntalapokelela uwila uli onsi ukufuma kuno muli.

Mateo 16:26

Uzye umuntu alakwata muzano cii ndi walonka ivyamu nsi vyonsi, lelo waponzya umi wakwe? Awe kusi cimwi! Uzye kuli cimwi cino umuntu angalipa kuti umi wakwe umuwelele?

1 Timoti 4:8

Ukuyelezya mwili kukaazwilizya panono, lelo kuyelezya kucindika Leza kukaleta umuzano muli vyonsi. Pano kukatwazwa mu vya umi uu, na vino tungaya mu umi ukwiza.

1 Timoti 6:6

Endi, kupepa Leza kukalenga umuntu kuya mukama cikulu ndi wazumila ukuti vino akweti vyamulingana.

Umbwilo 12:9

Cizoka cikulu cisumbwa pansi. Cene cili cizoka ca mpiti cino yakati Ciwa, nanti Satana, wino akasomba antu amu nsi. Wene pamwi na angeli yakwe yonsi yasumbwa pano nsi.