Yobo 1:5 - Amazwi Yakwe Leza 2013

⁵ Lino amanda ya vimulo vivyo yapita, Yobo wamanga ana yakwe ku kuyasangulula. Alino katondotondo mu wanda uwalondelela penepo wapeelanga impolelwa ya wila wakoca, ala akupeelela cila mwana. Wene wacitanga vivyo pano welenginye ukuti limwi ale umwi mu ana yane wataifya, nu kulanda amazwi yamiponto kuli Leza mu mwenzo wakwe. Fwandi lulo lwali luli lutambi lwakwe Yobo amanda pe.

Yobo 1:5 ပူးပေါင်းရင်းမြစ်များ

Utandiko 22:3

Uca katondo Abulaamu aputola inkwi zya kocela uwila nga azinyepa pali punda. Asenda Isaki na aomvi yaili nga iyatenuka iyaya ku cifulo cino Leza wamunenyile.

Utandiko 6:5

Lino Yawe walola vino inkota zya antu zyavulisya na vino ukwelenganya kwao lyonsi kwaya ukwipe,

Utandiko 8:20

Lyene Nowa akuulila Yawe kavuwa nga atoola conga ca musango onsi wa nyama ni vyunyi visangululwe avipela impolelwa ya mawila yakoca pa kavuwa.

1 Yamwene 18:31

Wene atoola amawe ikumi na yaili ukulingana ni mitundu ikumi na iili ya amu mupanda wakwe Yakobo, umuntu wino Yawe watemile izina lyakuti Izlaeli.

1 Yamwene 21:10

Muce musolole penepo antu yaili, iviwelewele kuti yayo kwene ali yano yace yakize pa manso yakwe Naboti nu kumupeela umulandu wa kutuka Leza pamwi nu mwene. Lyene mumufumizye kunzi, alino mumutame na mawe kuti afwe.”

1 Yamwene 21:13

Lyene antu yaya yaili viwelewele yiza yikala ulunga na Naboti. Alino iyatandika kupeela Naboti umboni waufi papa kwene pa manso ya antu, yati, “Naboti watatuka Leza pamwi nu mwene.” Acino antu yalya yafumizya Naboti kunzi ya musumba, akuno yaya yamutama na mawe mpaka afwa.

Neemiya 12:30

Lyene yasimapepo na ina Levi yacita ulutambi lwa kuiswefya, nu kuswefya antu alino nu kuswefya impongolo na malinga ya musumba.

Yobo 1:11

Lelo ndi cakuti wapokolola na vyonsi vino akweti, umalola wakutuka ale ukuvwa nu kuvwa!”

Yobo 1:4

Ana yakwe aonsi yacitanga uluti lwa kuteyanyizizyanya ivimulo mu mang'anda yao, uwanda umwi mu ng'anda yakwe umwi, nu wanda uze mu ng'anda yakwe umwi. Alino yalalika yakaci yao yaya yatatu ku vimulo vyao vivyo.

Yobo 2:9

Alino umuci nawe ali pakutandika kumusinkola ati, “Uzye na ndakai ucili nu utailo? Si tuka sile Yawe pakuti ufwe, cisile nu kusila.”

Yobo 27:10

Uzye wene angazangila muli wiyo Wamaka yonsi? Uzye wene angapepa kuli Leza umu nsita zyonsi kuti amwazwe?

Yobo 41:25

Ndi cakuti cakatuka, antu yamaka yonsi yakaizakazila sile, yonsi pasi pa ntete lino cikucapola umusinda wakweco apa manzi,

Yobo 42:8

Ali cino mwemo, yangini mukatole yacipambasi ya ng'ombe cinimbali, na yasuuku nayo kwene cinimbali. Muye nayo uku muonvi wane Yobo. Muye mukayocele apa kuyapela wa mpolelwa iyakuipapatila kweneko mwe eneco. Alino apa nsita kwene iyo, umuomvi wane Yobo amaya akamupapatile, pano wene ali wino ninguvwa ipepo lyakwe. Ndi caya vivyo, ale lyene ningasuula ukukuponga kwinu kuno mwaifizye, icakukana vwanga ivyampomvu kuli nene wakwe vino Yobo avwanzile.”

Yobo 6:14

“Ala lino indi mu ucuzi wakwe uu, nkutaila ukukwata ivyuza vyampomvu, cisi cimwi nanti indi ni misuuli kuli Leza Wamaka yonsi nanti foo.

Yobo 8:4

Ana yako yacisile ivitalungime kuli Leza. Fwandi Leza nawe ali pakuyasunda ukulingana nu kwifya kwao.

Masamu 5:3

We Yawe ukauvwa izwi lyane akatondo. Lini ilanzi lyatunka, inkakulenga nga indolela kuti ungasuke.

Kufuma 18:12

Lyene Yetulo aleta uwila wakoca nga na mawila yauze akupeela impolela kuli Leza. Nga Aaloni ni ntunguluzi zya ina Izlaeli zipita nawe pa manso yakwe Leza, ku kulya cimulo pamwi na Yetulo sivyala wakwe Mose.

Kufuma 19:10

Alino Yawe anena Mose ati, “Yanga kanene antu ukuti ilelo na mutondo yaisangulule nu kuiteyanyizizya ku mapepo. Yene yalinzile ukufula vyakuzwala vyao.

Kufuma 24:5

Lyene atuma aina Izlaeli alumendo, iyaya yapeela amawila akocela Yawe. Iyafyula tucipambasi nu kupeela uwila wa utandano kuli Yawe.

Kasambilizya 9:10

Uwaombesya muli vyonsi vino ukucita, pano kuzimo kutalaya vicitwa, kutalaya amelenganyo, kutalaya kumanya, kutalaya amano, nga kuko akuno ukuya.

Yelemiya 4:14

“We Yelusalemu, si wange ufulale uyi wa mwenzo wako pakuti lyene upusuke. Uzye umatwalilila ukwelenganya iviipe ukufika lilaci?

Ezekelo 14:14

Nanti angala antu yatatu yaa, Nowa, Danieli na Yobo yatenzi mwenemo, yene yangaipususya sile aisikulu ku ololoke wao. Ivyalanda ne Yawe Simwandalali.”

Luka 1:75

kuti twaikala mu umi wamuzilo nu wololoke pa manso yakwe, mu manda ya umi witu onsi.

Luka 18:7

Uzye Leza atangaputwila asololwe yakwe milandu ningo, yano akamulilila umusanya nu usiku? Uzye wene alayatazyela?

Yoane 11:55

Lyene insita yakuzevya Cimulo ca Ucilo ipalama, nga antu aingi yafuma mu mizi yaya ku Yelusalemu ku kuisangulula kulingana nu lutambi lino kuzevya kwa Cimulo ca Ucilo kutali kufike.

Milimo 21:26

Alino Paulo asenda antu yaya, na pa wanda uwalondelela aisangulula pamwi nao. Lyene aingila mu Ng'anda ikulu yakwe Leza ukuya yamanyisya pano manda yakusangulula yalasilila, lino yalapeela impolelwa yakwe cila muntu.

Milimo 8:22

Lyene zenzuka ku kwelenganya kwako kwipe, nu kupepa ku Mwene pakuti akwelele pa kwelenganya icintu wakwe cii.

1 Kolinto 4:5

Acino mutalinzile kupingula umuntu ali wensi lino nsita yasontwa itali kuti ifike. Upinguzi wakusyalikizya utalacitika suka Mwene akize. Wene alasokolola paswe vintu vino vyafiswa mu mfinzi, nga nu kuumbula mapange ya nkama aya mu melenganyo ya antu. Alino lyene umuntu wensi Leza alamutasya ndi vino cingamulinga.

2 Kolinto 11:2

Nemo nkweti uzuwa pamulandu winu, wakwe vino Leza nawe akweti. Mukoline wakwe mwali musanguluke wino nalaya kumufumalizya ku muntu wenga sile. Muntu wiyo a Klistu umwisikulu.

Efeso 6:18

Mwacita vii vyonsi mu mapepo, ala mukuuzya Leza kuti amwazwe. Pepini lyonsi, ndi vino Mupasi Wamuzilo akumutungulula. Muye apempukile, nupya aula kunenuka. Nsita zyonsi mwapepela antu yakwe Leza onsi.

1 Samueli 16:5

Nawe aasuka ati, “Awe mukwai kuli cele. Niza sile ku kupeela impolelwa kuli Yawe. Mwemo muisangulule tuye swensi ku kupeela impolelwa.” Alino asangulula Yese pamwi na ana yakwe nga ayama ku kupeela impolelwa.