Yobo 1:20 - Amazwi Yakwe Leza 2013

²⁰ Lino Yobo uvwa vivyo, ali pakuvwandamuka, alepola ni laya lyakwe apakulanga ulanda uno wakwata. Alino apeela ni cikuzu. Nga lyene apona na pansi afukama nu kupepa kuli Yawe.

Yobo 1:20 ပူးပေါင်းရင်းမြစ်များ

Utandiko 37:29

Lino Lubeni waswilile ku cifula ku kulengula, azana Yosefu asimo, nga alepola vizwalo vyakwe, kulanga ulanda.

Utandiko 37:34

Lyene Yakobo alepula mwingila wakwe, azwala visamu mu musana ukulanga ulanda. Nga alosya umwana wakwe umonsi pa manda aingi.

2 Yamwene 2:12

Elisya lino walola kweneko, atandika ukupuunda ati, “Iye mwe tata wane mwe! Tata wane mwe! Kakulula wa ina Izlaeli we! Fwandi wapita, icumi!” Ali vino Elisya atatazile alola Eliya nupya. Elisya ali pakulepula ikoti lyakwe ulanda ulanda.

2 Milandu 7:3

Apakulola icintu cico ica moto uwati upona ukufuma ukwiyulu, nu ucindami wa luswepo lwakwe Yawe, aina Izlaeli yonsi iyakontama suka ivinso vyao vifika na pansi apa ntampulo zya ukwelelo, nu kupepa ala yakutasya Yawe, yati, “Endi Yawe umusuma pasi pano ukutemwa kwakwe kusisila, lelo kukatwalilila umuyayaya.”

Ezila 9:3

Lino nuvwile vii, alino ndepola vyakuzwala vyane nu mwingila wane kwene pamulandu wa nsonyi. Lyene mpela ni nyele ku mutwe wane kumwi ni vilezu kwene nga nikala pansi ulanda ulanda.

Yobo 1:19

Alino lyene icipunga ukufuma ku lwanga cali ciza cingila, icipukanya nu kusya cawisya yamutali. Ali vino calicawisya yamutali yonsi yani atungilila ing'anda. Ing'anda ali vino yaliyawa nu kwilikizya ana yako yonsi nu kufwa yatiyafwa. Nene nenga sile nimpusuka apakuti nize nkunene vino cali cili.”

Yobo 2:12

Walanga sile lino yacili patali yamulola, lelo ala yatiyamuponga. Nga walanga yapalama kunoli, yamumanya nga yalukusya na minsozi. Alino iyalepola ni nsalu zyao pakulanga ulanda. Lyene iyatola ni twi nu lukungu, iyaiswela ku mitwe yao.

Kufuma 4:31

Lino antu yalola vizungusyo vii iyataila. Nupya lino yuvwa ukuti Yawe wataiza kunoyali, nu kuti watalola vino yakuyasunga mu kukalala, iyafukama pansi yafupime, nga yapepa Yawe.

Yelemiya 7:29

Losyini, mwe ina Yelusalemu. Pelini inyele zinu muzisumbe. Saulini ulwimbo lwa malanda pa tumpuke, apamulandu wakuti ne Yawe nene musoke, nupya natinkana antu yane.

Yowelo 2:13

Si imyenzo inu ilange ulanda kunondi, asi kulepula sile vizwalo vinu awe. “Swililini kuli Yawe Leza winu, pano wene wazipa umwenzo nupya uwa luse. Wene asisoka zuwa nga ukutemwa kwakwe kusifutuka. Insita zyonsi wene akaelela.

Mateo 26:39

Apita katalamukila panono, afukama pansi ainime, nga apepa ati, “Tata ndi cingaya, leka ulwako luu lwa ucuzi lusisiwe kunondi. Kusi kulonda kwane, lelo kulonda kwako kucitike.”

Malango 9:18

“Lyene nupya kwene impona pansi ala mfupime pa manso yakwe Yawe pa manda amakumi yani, musanya nu usiku. Ntalile cakulya nanti kumwa amanzi, pamulandu wi ifyo lino mwemo mwacisile, apakucita inkota pa manso yakwe Yawe nu kumulenga kusoka.

Yoswa 7:6

Lyene Yoswa alepula insalu zyakwe nga afukama pansi afupime ku nkolelo ya Mbokosi ya Upangano yakwe Yawe, alali papa kwene mpaka nalino ilanzi lyawa. Intunguluzi zya ina Izlaeli nazyo izicita icili cimwi, nga iziisansa ulukungu pa mitwe.

1 Petulo 5:6

Acino, lyene muicefye nkolelo ya maka yakwe Leza, nga nawe alamukatusya mu nsita ino wasonta.