Yobo 1:19 - Amazwi Yakwe Leza 2013

¹⁹ Alino lyene icipunga ukufuma ku lwanga cali ciza cingila, icipukanya nu kusya cawisya yamutali. Ali vino calicawisya yamutali yonsi yani atungilila ing'anda. Ing'anda ali vino yaliyawa nu kwilikizya ana yako yonsi nu kufwa yatiyafwa. Nene nenga sile nimpusuka apakuti nize nkunene vino cali cili.”

Yobo 1:19 ပူးပေါင်းရင်းမြစ်များ

Utandiko 42:36

Isi ayanena ati, “Uzye mukulonda kuti mponzye ana yane onsi? Yosefu waponga, lyene na Simeoni kwene wataponga, nga ndakai mukulonda musende na Benjamini kwene. Ala! Nene nkucula ne so, asi mwemwe.”

2 Samueli 18:33

Umwene anyomelwa cuze na malanda. Alino aya ku muputule ukupuzya pa wingililo, nga alila. Lino akupita ale akupunda ati, “Iye umwana wane Abusalomu, umwana wane Abusalomu! Si cange cizipe nene imfwe ukuluta kuti wewe ufwe, we mwana wane Abusalomu, we mwana wane!”

1 Yamwene 20:30

Aina Asilya yauze asyala, iyutukila ku musumba wa Afeki kuno amalinga ya musumba ulya yaponile antu amazimbi amakumi yaili na cinimbali. Beni Hadadi nawe kwene autukila mu musumba kwene ulya, aya afisama mu muputule uwa kukasi mu ng'anda imwi.

Yobo 1:18

Nupya kwene lino umuntu wiyo acili akulondololola, muze nawe afika nga avwanga ati, “Ana yako yonsi pamwi yali uku malila mwakwe silenzi.

Yobo 1:20

Lino Yobo uvwa vivyo, ali pakuvwandamuka, alepola ni laya lyakwe apakulanga ulanda uno wakwata. Alino apeela ni cikuzu. Nga lyene apona na pansi afukama nu kupepa kuli Yawe.

Mateo 7:27

Lyene imvula itonya, mulamba nawe aiiza ni cipupu ciza cipuma pa ng'anda iyo, nga nayo ipona, kupona kukulu cuze.”

Milimo 28:4

Lino antu akucilila cii yalola inzoka ala ikunyinyinda kwi kasa lyakwe Paulo yavwanga yati, “Muntu wii alinzile kuya inkomi, lelo nanti angala watapusuka ku manzi, Leza wa ololoke atakumuleka aye umumi.”

Efeso 2:2

Mwemo mwalondelile misango iipe iya muno nsi. Mwayelanga wino akateeka insi, nupya wakwata maka pa muntu wensi wino asyayela Leza.

Yakapingula 16:30

nga avwanga ati, “Kamfwile pamwi na ina Filisti!” Lyene azitensya na maka yakwe yonsi nga ing'anda ilya ikulu pali pakuponela intunguluzi zizi na antu yonsi ali mwenemo. Avino Samusoni wakomile antu avule pa mfwa yakwe ukuluta yano wakomile lino wali umumi.