Yobo 1:10 - Amazwi Yakwe Leza 2013

¹⁰ Uzye asi wewe kwene ukamucingilila pamwi ni vyuma vyakwe vyonsi? Ukapolelela icili consi cino akacita. Icalenga ni viteekwa vyakwe visanduluke mu mpanga yonsi.

Yobo 1:10 ပူးပေါင်းရင်းမြစ်များ

Utandiko 15:1

Pacisila ca vintu vii Yawe aloleka kuli Abulamu mu cilolwa, nga amunena ati, “Utuvwa intete, Abulamu, kunuli indi wa cisyangu cakukucinga. Ndakupeela uwila ukulu cuze.”

Utandiko 26:12

Isaki walimile ivyakulya mu mpanga ilya, nga mu mwaka ulya wazombwile maila umwanda ukuluta vino wakomile, pano Leza wamupolelile.

Utandiko 30:30

Pa vinono vino wakweti lino ntali nize vyativivulilako cuze, na Yawe watakupolelela pamulandu wa usunzi wane. Lyene insita yatifika yakuti nani nkailolela nemwisikulu.”

Utandiko 30:43

Mu musango kwene uu amuno Yakobo wizile aya umukama wakwe cimwi, akwata iviteekwa vivule cuze, na aomvi anaci na aonsi, ni ngamila na yapunda.

Utandiko 39:5

Ukufuma lino wapile Yosefu uwangalizi wapali vyonsi vino wakweti vyapa ng'anda, Mwene apolelela ng'anda ya mwina Eguputo mulandu wakwe Yosefu. Upolelelo wa Mwene wali pali vyonsi vino Potifa wakweti vyamu ng'anda, nga ni vyamu vyalo kwene.

Utandiko 49:25

A Leza wakwe so akakwazwa, Leza Wamaka yonsi akakupolelela akalenga kuti imvula iyatonya mu vyalo vyako akalenga kuti tufukoka tuye na manzi. Akalenga kuti uye ni ng'ombe na ana avule.

Yobo 1:3

Wakweti imfwele amazimbi cinimbali, ingamila amazimbi yatatu, yamasaye izimbi lyonga nga na yapunda imyanda isano. Wakweti na aomwi aingi sana. Wali umuntu mukama wakwe cimwi ukuluta antu yonsi amu mpanga zyaku ufumondaka.

Yobo 29:2

“Iye mwe, ndi cakuti nali vino umu manda yakucisila cali! Lilyo lino Leza wambakanga.

Yobo 29:6

Iviteekwa vyane vyavovomokanga iziya lino nailyokezyanga. Mafuta yakwelekela nayo yapongolokanga ukufuma umu musili wa mawe, kwati utunguzi sile.

Yobo 31:25

Ntatala nakwata icilumba apamulandu nu wingi wa vyuma vyane.

Yobo 42:12

Yawe nawe ali pakupolelela imikalile yakwe Yobo ukuluta napali vino watenzi mpiti. Fwandi lyene Yobo akwata imfwele amazimbi ikumi na yani. Ingamila amazimbi mutanda, yamasaye akulimila kumwi na yapulao izimbi lyonga. Yapunda akaci nayo izimbi lyonga.

Masamu 107:38

Ayapolelela iyavyala na ana avule, nu kuteeka amaufyo ya viteekwa aula ukucepelako.

Masamu 34:7

Umungeli wakwe Yawe akacingilila yayo akamoopa, nupya akayapususya.

Masamu 5:12

Umu cumi, we Yawe, ukapolelela yayo akacita ivyaololoke nu kutemwa kwako kukayacingilila wa cisyangu.

Masamu 71:21

Nemo, awewe umancindamikilangako, nupya awewe kwene uma myalalikanga.

Masamu 80:12

Icani fwandi cino wawisizya icimpinda ca mitingi? Utaweni! Lyene yonsi apita nzila yakwiya iviseekwa.

Masamu 90:17

We Mwene Leza witu, sungala uwatupolelela! Tupeele ukucimvya muli vyonsi vino tukacita. Icacumi sileka tuye nu longo muli vyonsi vino tukacita!

Mapinda 10:22

Upolelelo wakwe Yawe uli uno ukalenga umuntu aye umukama, ni milimo yakwe ikome isiungilizyapo nanti conga.

Ezaya 5:2

Watipozile umusili, afumya mwenemo amawe nga alemamo na matingi asuma wakwe cimwi. Alino akuulilila ni cimpinda, nga alino afukula nu mwakufenelamo amatingi. Alino atandika nu kulolela apakuti iviseekwa vikace. Lelo iviseekwa navyo viza vyaya sile ivikantuke.

Ezaya 5:5

“Fwandi lyene vino nemo namacita icalo cane ica matingi aevi. Namafumya icimpinda nu kuongolola ulupungu lwa mawe, uleke inyama zya mpanga zingile zyalya mwenemo nu kulyatolola mwenemo.

Zakaliya 2:5

Yawe wavwanga ukuti aliwe umwisikulu alaya ilinga lya moto ukulizizya umusumba ulya, nu kuti acingilile umusumba nga nu kwikala mwenemo mu lulumbi lwakwe.”

Zakaliya 2:8

Ali wensi uwazanza mwemwe ala wazanza icintu ca mutengo ukulu cuze kunondi.” Acino Yawe Wamaka yonsi uwantumile ku nko zino zyasamfile ivyuma vya antu yakwe kuti nkazinene inti,

Malango 33:11

We Yawe, si leka umutundu wao ukomeleke. Si leka imilimo yao ino yakuomba yakuzanzya. Vungola anisi yao. Utaleka yace yakatuke nupya.”

Malango 33:27

Leza aliwe waya akacingilila winu mu nsita zyonsi. Akamufukatila ningo mu makasa yakwe. Wene wazinganga anisi inu lino mwemo mukuya pa nkolelo, nga amunena ukuti muyonone yonsi pyu.

Malango 7:13

Wene alamutemwa nu kumupolelela, cakuti mulasandana mukakwate na ana avulisye. Wene alapolelela ana inu, ni vilimwa vyamu vyalo vinu pakuti mukakwate imbezu, waini, na mafuta ya miolivi. Nga alamupolelela pa kumupeela ing'ombe ni mfwele izivule. Wene alamupeela upolelelo uu onsi mu mpanga ino walavile ivikolwe vinu ukuti ali nu kumupeela.

1 Petulo 1:5

Kupolelelwa kuu ukwakwe mwemwe, mwe muno mu utailo mukasungwa ningo na maka yakwe Leza kufika ku ufyusi uno ulasokololwa pa mpela ya nsita.

1 Samueli 25:16

Yene yatucingililanga imbali zyonsi, usiku nu musanya lino twacemelanga imfwele kuku.