Yobo 1:1 - Amazwi Yakwe Leza 2013

¹ Mu mpanga ya Uzi mwikalanga umuntu umwi wino izina lyakwe wali a Yobo. Umuntu wi wali uwaula umulandu nupya akacita ivisuma. Umuntu wi woopanga Leza nu kuleuka inkota.

Yobo 1:1 ပူးပေါင်းရင်းမြစ်များ

Utandiko 10:23

Ana yakwe Alamu aonsi a Uzi, Hulu, Getele, nga na Mesyeki.

Utandiko 17:1

Lino Abulamu wali ni myaka amakumi fundimbali na fundimbali, Yawe aloleka kunoli nga amunena ati, “Nene Leza Wamaka yonsi. Uwanguvwila mu manda ya umi wako yonsi nu kucita vyawololoke pe.

Utandiko 22:12

Alino mungeli ati, “Utezya ukukoma mulumendo nanti ukucita icili consi kunoli. Lyene nimanya ukuti wemo ukacindika nu kuyela Leza, pano utanjimile umwana wako umonsi uwaya sile wenga.”

Utandiko 36:28

Yaa ali ana aonsi yakwe Disyani: Uzi na Halani.

Utandiko 42:18

Pa wanda uwalenga yatatu Yosefu ayanena ati, “Nene muntu wino akaopa Leza. Caleka citini cii kuti mutakomwa.

Utandiko 6:9

Ilandwe lyapali Nowa lyaya ndi vii. Pakasi ka antu amu nsita ilya Nowa wenga mpo wali umuntu uwacitanga vyawololoke nupya uwaula impwelo mbi. Lyonsi kwene Nowa wapitanga na Leza.

2 Yamwene 20:3

“We Yawe, si ungala wiusye vino nakuombelanga usaka. Nakutontelanga amanda yonsi. Si angala wiusye vino nezyanga ukucita vyonsi vino wanena kuti incite.” Lyene Hezekiya alila aminsozi nu ulanda ukulu cuze.

1 Milandu 1:17

Ana aonsi yakwe Syemu a Elamu, Asyuli, Alipakisadi, Ludi na Alamu. Ana aonsi yakwe Alamu a Uzi, Hulu, Getele na Mesyeki.

1 Milandu 1:42

Ana aonsi yakwe Ezeli a Bilani, Zaavani na Yaakani. Ana aonsi yakwe Disyani a Uzi na Halani.

Yobo 1:8

Nupya Yawe auzya Satana ati, “Uzye utali walola ivyaya umuntu wane Yobo? Uzye kwene muno nsi mungaya umuntu wino yangalingana nawe umu kucita ivyaololoke? Wene wankwatila umucinzi ni coopo, nupya wene akafuntuka ku kucita akantu akali konsi akaipe.”

Yobo 2:3

Yawe nawe auzya Satana ati, “Uzye watulola vino umuomvi wane Yobo ali? Uzye muno nsi mungaya umwi wino yangalingana nawe uku usuma nu ku ulungami? Yobo waya nu mucinzi kunondi ne Yawe. Wene akafuntuka ku kucita iviipe vyonsi nupya akasunga ukaele wakwe. Ale lyene walola vino waicuzizye sile apa kunzembeleka nu kumpatikizya kuti imuletele imikosi apaula umulandu.”

Yobo 28:28

Fwandi lyene ali vino wanenyile nu muntunze ukuti, ukuya ni coopo kuli Leza ali kukwata amano, nu kufuntuka uku kucita iviipe, ali kwiluka.”

Yobo 4:6

Uzye fwandi wemo ukufukila Leza kutange kukukomelezye? Nanti imiyele yako isuma itange ikupeele utailo?

Yobo 9:21

Kwene nemo ningati nene wakaele. Lelo cico citansakamike, pano nu umi wane kwene ntausakamile.

Kufuma 18:21

Lelo kulunda pali vii, ulinzile kusola aonsi yamwi ampomvu nu kuyasonta kuti yaye wa ntunguluzi zya antu. Mu musango uu, intunguluzi zya antu mazimbi, na yamwi antu imyanda, na yamwi antu amakumi yasano, na yamwi antu ikumi. Yalinzile ukuya antu akaopa Leza. Yalinzile ukuya atailwe nupya atangazumilizya mafukakanwa.

Mapinda 14:16

Umuntu wa mano akaopa Yawe nu kufuntuka uku uyi, lelo iciwelewele cene cazenzemba nupya caitazyela.

Mapinda 14:2

Yayo akapita umu ulungami yakazangila Yawe, lelo atumpe yene yakamusosya nu kumuzewanya.

Mapinda 16:17

Inzila ya antu asuma, ikafuntuka uku uyi, nu muntu uwalola kuno akuya, ala wasunga umi wakwe.

Mapinda 16:6

Uluse ni cumi vikalipila apa maifyo. Ukoopa Yawe kukafuntusya uku uyi.

Mapinda 20:7

Umulungami, wiyo akapita umu nzila ya ukaele, ana yakwe alamulondelela pacisila yalasyuka.

Mapinda 3:7

Utaezya ukwelenganya ukuti wacenjela ukuluta pali vino waya, wemo uwakwatila Yawe icoopo, uwaleuka iviipe.

Mapinda 8:13

Icoopo kuli Yawe kuli kupata uyi. Napata icilumba, imitumfyo, imiyele iipe ni ntumpu.

Yelemiya 25:20

alino na maumba yonsi aenyi yao, yamwene yonsi a mpanga ya Uzi, yamwene yonsi a mpanga ya Filisti, Asyikeloni, Gaza, Ekiloni na yano yasiile mu Asyidodi.

Nyimbo zya ndosya 4:21

Sansamukini, zangini mwe antu amu Edomu mwe ikazi yamu Uzi, ponsi pano mutemilwe. Lelo namwe kwene uzanzo ulamuponela nga yalamupisya tupu, ni nsonyi zilamulema.

Ezekelo 14:14

Nanti angala antu yatatu yaa, Nowa, Danieli na Yobo yatenzi mwenemo, yene yangaipususya sile aisikulu ku ololoke wao. Ivyalanda ne Yawe Simwandalali.”

Ezekelo 14:20

cumi kwene lino nene ndi waumi, Yawe Simwandalali, nanti angala Nowa, Danieli na Yobo yatenzi mwenemo, yene yangaipususya sile aisikulu ku ololoke wao.

Luka 1:6

Nao oili yali aololoke pa manso yakwe Leza, nu kuya ni cuvwilo ku mazwi ya Mwene yonsi.

Malango 18:13

13 Mulinzile ukuya aula mulandu pa manso yakwe Yawe.

Yakobo 5:11

Yaa, ayano tukati alongo pano yene yaposizye. Muuvwa vino Yobo watesile mwenzo, nga mwamanya na vino pacisila Umwene wamwazwilizye. Pano Umwene wakwatisya mizu nu luse.

1 Petulo 3:11

Wene alinzile kuzenzuka ku viipe, atandike kucita visuma. Nupya alinzile kucita vya kuleta mutende nu mwenzo wakwe onsi.