Yoane 9:26 - Amazwi Yakwe Leza 2013

²⁶ Caleka yamuzya yati, “Uzye icani cino wene wacisile kunuli? Uzye upafu wako waupozizye uli?”

Yoane 9:26 ပူးပေါင်းရင်းမြစ်များ

Mapinda 26:5

Uwaasuka iciwelewele ukulingana na muno uwelewele wakweco wayela, apakuti citaitunga ukuya icamano.

Yelemiya 36:17

Alino yuzya Baluki yati, “Wee, situneneko, uzye walemvile uli amazwi yonsi yaa?”

Luka 6:7

Yakasambilizya ya Masunde yamwi na Afaliseo yalondelezyanga mulandu wakupeela Yesu. Caleka yamucevya kuti yalole ndi amamupozya pa Sabata.

Yoane 9:10

Nao yamuzya yati, “Uzye wali watandika kulola uli?”

Yoane 9:15

Nupya Afaliseo yamuzya yati, “Uzye wali watandika kulola uli?” Nawe aasuka ati, “Wali wampaka ivu mu manso, alino nali naya nafulalamo nga ndakai nkulola.”

Yoane 9:25

Umuntu nawe avwanga ati, “Nda kaifya, nemo ntamanyile. Manyile cintu conga. Nali mpafu, lelo ndakai nkulola.”

Yoane 9:27

Nawe ayanena ati, “Nati munena, nga namwe mutuvwile. Uzye pacani mukulonda kuvwa nupya pali cii? Uzye namwe kwene mukasi kuya alondezi yakwe?”