Yoane 9:16 - Amazwi Yakwe Leza 2013

¹⁶ Yamwi amu Afaliseo yavwanga yati, “Umuntu uwali wacita cii atafuma kuli Leza, pano asyayela isunde li Sabata.” Lelo yauze yati, “Uzye kaifya angacita uli vilangililo wakwe vii?” Alino mukasi kao yapalukana.

Yoane 9:16 ပူးပေါင်းရင်းမြစ်များ

Mateo 12:10

umwali umuntu uwali ni cizanza cilemale. Lyene antu yamwi ali penepo yalondelezyanga mulandu wakupeela Yesu, nga yamuzya yati, “Uzye ciine na masunde kupozya mulwale pa Sabata?”

Mateo 12:2

Lino Afaliseo yalola cii, yamunena yati, “Lola, alondezi yako yakucita cii citalingine na masunde itu pa Sabata.”

Luka 13:14

Intunguluzi yamu ng'anda ya mapepo ikalipa pano Yesu wapozya umuntu pa Sabata. Caleka ivwanga ku antu iti, “Kwaya manda mutanda yano tungaombamo. Caleka mwaiza mu manda yaa mukupoziwa, lelo mutaiza pa Sabata!”

Yoane 10:19

Antu nupya yapalukana pa mazwi yaa.

Yoane 14:11

Untaile lino nalanda vino Tata nani twaya wenga. Nanti untaile pa milimo ino nkacita.

Yoane 15:24

Ndi pakasi kao ntizile ncita vintu vino umuntu nanti wenga atatala wacita, nga yasi nu mulandu wa kwifya. Lelo yalola vino nacita, nga yapata Tata pamwi nani kwene.

Yoane 2:11

Yesu wacisile cilangililo cii cakutandika mu Kana, muzi uwaku Galile. Muli cii amuno wasokolwile lulumbi lwakwe, nga na alondezi yakwe yataile munoli.

Yoane 3:2

Wene waile kuli Yesu usiku, amunena ati, “Kasambilizya, twamanya vino wewe Kasambilizya wino wafuma kuli Leza. Pano pasi umuntu angacita vilangililo vino wemo ukacita, suka Leza ali nawe.”

Yoane 5:10

Caleka intunguluzi zya Ciyuda zimunena ziti, “Ilelo uwanda wi Sabata, nupya citaine na Masunde itu kuti wemo usende citala cako.”

Yoane 5:36

Umboni uno nkweti ulusile umboni wakwe Yoane. Pano milimo ino Tata wampeela kuti malile iili milimo ino nkacita. Milimo kwene ii, ikapela nu umboni wakuti Tata uwantuma.

Yoane 6:52

Caleka Ayuda yapazyanya nu kuuzyanya aisikulu yati, “Uzye umuntu wii angatupeela mwili wakwe kuti tulye mu musango cii?”

Yoane 7:12

Mwi umba mwali ukutotozana cuze pamulandu na aliwe. Yamwi yati, “Wene umuntu musuma”, nga yauze nao yati, “Awe! Pano akupuulola antu.”

Yoane 7:23

Ndi cakuti mwana umonsi angasilamulwa pa Sabata pamulandu wakulondela Masunde yakwe Mose, uzye pacani mwansokela pano napozizye mulwale pa Sabata?

Yoane 7:43

Acino kuya kupalukana mwi umba pamulandu wakwe.

Yoane 9:24

Afaliseo nupya yaama umuntu iila lyakwe ciili, wino uwali impafu, alino yamunena yati, “Lumbanya Leza! Twati tumanya vino umuntu wino watakupozya wene akaifya.”

Milimo 14:4

Lyene antu amu musumba yapaatukana paili. Iumba limwi liwila ku atumwa ni lyuze ku Ayuda.