Yoane 8:6 - Amazwi Yakwe Leza 2013

⁶ Yavwanzile cii kuti yateye Yesu mu mazwi, pakuti yangamupeela umulandu. Lelo Yesu ainama alemba pansi nu munwe.

Yoane 8:6 ပူးပေါင်းရင်းမြစ်များ

Utandiko 49:9

Yuda akoline na cisama, wino akakoma inyama atwala ku ninga, Yuda akoline na cisama akalambalala pansi ainyunza. Wene akoline na cisama, nga kusi umwi angapama ukumuzyula.

Masamu 39:1

Navwanzile inti, “Namatekanyanga umu mipitile yane, apakuti akanwa kane katalanda iviipe. Namalemanga pa kanwa kane insita yonsi, lino antu aipe yali umupipi nani.”

Mapinda 26:17

Ukuitela umu vikanza ivitakukumile, icili conga nu kulema simbwa umusinda akuipitila.

Kasambilizya 3:7

Kwaya insita ya kulepola ni nsita ya kusuma, kwaya insita ya kwikala cele ni nsita ya kuvwanga.

Yelemiya 17:13

Mwene, wewe uli upalilo wa ina Izlaeli. Yonsi yano yakutazyela yalazewana, na yano yakusangukila yalatenulwa muno nsi, pamulandu wakuti yatayela Yawe intulo ya manzi ya umi.

Danieli 5:5

Umukupumikizya ikuloleka ikasa lya muntu nga ilitandika ukulemba apa lung'umba lutakase lwamwi sano, apipi na pano uluswepo lwayengesanga ukuluta. Nga umwene alola ikasa lili lino likulemba.

Amosi 5:10

Mwemo mukapatana na apinguzi asi na kasoozi, mukasokela yayo akavwanga icumi umu matengo.

Amosi 5:13

Uli mulandu apa nsita yamusango uu, umuntu wa mano akaikala cele, pasi pano yene ili nsita imwi iipisye.

Mpendwa 14:22

kusi nanti wenga uwamu antu yaa yonsi alingila mu mpanga ilya. Yene yalola uluswepo ulwa ucindami wane ulwacatanga nga ni vilangililo vino nacisile mu Eguputo nu mu lwanga, lelo yanjezyanga amaila na maila nu kukanayela amazwi yane.

Mateo 10:16

“Lolini namutuma wa mfwele pakasi ka mimbulu. Caleka mucenjele wa nzoka lelo mufuke wa nkunda.

Mateo 15:23

Lelo Yesu atavwanzile nanti izwi. Alino alondezi iiza yamupapata yati, “Muzinge pano akutwanoola.”

Mateo 16:1

Lyene Afaliseo na Asaduki yamwi iiza kuli Yesu kuti yamwezye mu mazwi. Caleka yamuzya kuti acite cilangililo ca cinjelengwe cakusininkizya vino wene watumwa na Leza.

Mateo 19:3

Lyene Afaliseo yamwi iiza kunoli yamwezya yati, “Uzye ciine na Masunde kuti umuntu angata umuci wakwe pamulandu uli onsi?”

Mateo 22:18

Lelo lino Yesu wamanya mapange yao aipe, avwanga ati, “Mwe yasomvi mwe, uzye pacani mukungezya?

Mateo 22:35

Na wenga uwa munoyali, uwali nkonkotela ya Masunde, amuuzya iuzyo kuti amwezye, ati,

Mateo 26:63

Lelo Yesu aya cele. Alino Simapepo Mukulu amunena ati, “Nakunena, Lapa pa manso yakwe Leza umumi, utunene ndi wewe uli Katuula uwalavilwe, Mwana wakwe Leza.”

Mako 10:2

Lyene Afaliseo yamwi iiza kunoli yamwezya yati, “Uzye cilingine na Masunde kuti umuntu angata umuci wakwe?”

Mako 12:15

Lelo Yesu amanya usomvi uwamu myenzo yao, ayanena ati, “Uzye pacani mukungezya? Letini lupiya longa kuno ndulole.”

Mako 3:2

Lyene antu yamwi ali penepo yalondelezyanga mulandu wakupeela Yesu. Caleka yamucevya kuti yalole ndi amapozya umuntu pa Sabata.

Mako 8:11

Afaliseo yamwi iiza kuli Yesu yatandika kupazyanya nawe. Yalondanga kumwezya mu mazwi, caleka yamuzya kuti acite cilangililo ca cinjelengwe cakusininkizya vino wene watumwa na Leza.

Luka 10:25

Lyene umuntu umwi uwali nkonkotela ya Masunde akatuka kuti aezye Yesu. Amuuzya ati, “Kasambilizya, Uzye ncite uli pakuti mpokelele umi wape?”

Luka 11:16

Yamwi yalondanga kwezya Yesu. Caleka yamuzya ukuti acite cilangililo ca cinjelengwe kunoyali icakusininkizya ukuti wene watumwa na Leza.

Yoane 8:2

Katondo tondo pa wanda uwalondelile aya aingila mu Ng'anda ikulu yakwe Leza. Antu yonsi yamuunganila, nga aikala pansi atandika kusambilizya.

1 Kolinto 10:9

Tutalinzile kwezya Mwene, ndi vino yamwi munoyali yacisile nga pacisila yalumika ni nzoka, yafwa.