Yoane 8:44 - Amazwi Yakwe Leza 2013

⁴⁴ Mwemo mwemwe ana ya Musomvi, wii ali so, nupya mwatemwa kulondela kucita kulonda kwakwe. Kufuma nu ku utandiko kwene wali inkomi. Atatala aya mwa cumi pano wene cumi citaya munoli. Lino akuvwanga ntumpu, ala wene kunoli uli mwata, pano uwa ntumpu nupya aliwe uwazitandike.

Yoane 8:44 ပူးပေါင်းရင်းမြစ်များ

Utandiko 3:15

Nika uwanisi pakasi kako nu mwanaci, pakasi ka mwana wako nu mwana wakwe. Alakufwamfwanta ku mutwe, nga nawe ulamuluma ku cintunta.”

1 Yamwene 22:22

“Yawe nawe awuzya ati, ‘Uzye umaya ukamulyombeleke uti uli?’ Mupasi wasuka uti, ‘Namaya nkaleke yakasema yakwe Aabu yaseme vyaufi.’ “Lyene Yawe avwanga ati, ‘Icisuma, fwandi pitanga kamulyombeleke, nawe amaya akuvwe, akazumile.’ ”

1 Milandu 21:1

Apa nsita imwi Satana walondanga ukuletelela aina Izlaeli, caleka atunkola Davidi kuti apende antu.

Yobo 1:11

Lelo ndi cakuti wapokolola na vyonsi vino akweti, umalola wakutuka ale ukuvwa nu kuvwa!”

Mateo 12:34

Mwe ana ya nzoka mwe! Uzye mungavwanga uli vintu visuma lino mwemwe yaipe? Pano mulomo ukavwanga vintu vizile mu mwenzo.

Mateo 13:15

pano mano yao yakupwa, nga yacilika na matwi yao, na manso yao yazyata. Pano limwi manso yao yangalola, na matwi yao yanguvwa, nu kumanya yangamanya ningo, nu kuzenzuka yangazenzuka, nani ningayapozya.’

Mateo 13:38

Calo cikwimilila insi. Imbezu zisuma zikwimilila antu amu Wene. Kalolo nawe akwimilila antu ya mwanisi wakwe Leza.

Yoane 6:70

Yesu nawe avwanga ati, “Uzye ntamusolwile mwemwe ikumi na yaili? Lelo wenga uwa munomuli wene u Musomvi.”

Yoane 7:17

Wino wensi akasi kucita kulonda kwakwe Leza wene angamanya ndi cakuti vino nkusambilizya vyafuma kuli Leza nanti nkuvwanga sile vyakwane.

Yoane 8:38

Nkavwanga vintu vino Tata wandanga, lelo mwemo mukacita vino so wamunena.”

Yoane 8:41

Lelo mwemo mukacita vino so akacita.” Nao yamunena yati, “Swemo twakwata Tata wenga sile, nawi a Leza.”

Yoane 8:55

Nanti angala mutamumanya mu cumi. Lelo nemo namumanya. Ndi nati ntamumanyile, ale nakolana namwe mwe antumpu. Lelo nemo namumanya nupya nkayela mazwi yakwe.

Milimo 13:10

“We mwana wakwe Ciwa! Wewe mwanisi wa wololoke. Mwenzo wako wazulamo misango yonsi ya micitile yankota. Uzye alilaci lino ulata kutumpwila vyawololoke vya Mwene?

Milimo 24:9

Ayuda yazumilizya, yalanda ukuti vii vyonsi ivya cumi.

Milimo 5:3

Lelo Petulo amuuzya ati, “We Ananiya, uzye pacani wazumilizya kuti Ciwa akutunke mu mwenzo kuti usombe Mupasi Wamuzilo apa kupaatula impiya zimwi pali zino wakweti lino wakazizye calo?

2 Kolinto 11:3

Ndi ni ntete zyakuti mwemo mulasombwa, wakwe vino Eva wasomvilwe ni nzoka ya usomvi. Ndi ni ntete zya kuti limwi mwemo mulata kwelenganya pamulandu wakwe Klistu mu musango usuma uwa cumi.

1 Petulo 5:8

Mwatekela nu kupempula! Ciwa, mwanisi winu akululumba nu kung'anza wakwe cisama wino akulunga umwi uwakuti alye.

2 Petulo 2:4

Leza atapanyizye angeli yano aiifizye. Lelo wayanyepa nu kuyasumbila mu Gehena mu ciwina ca mfinzi, anyepwe yakalolela upinguzi.

1 Yoane 1:8

Ndi twati tusi na maifyo, ale twaisomba sweisikulu, nga ni cumi cisi munotuli.

1 Yoane 2:21

Nemo nkumulembela asi pamulandu wakuti mutamanya icumi. Lelo mwacimanya nupya mwamanya ukuti ufi usifuma ku cumi

1 Yoane 2:4

Umwi ndi wavwanga ukuti wamumanya, lelo asyayela masunde yakwe, ala wene uwa ntumpu ni cumi citaya munoli.

1 Yoane 3:12

Tutalinzile kukolana na Kaini. Wene wali kumbali ya Mui, nupya wakomile Abeli mwina wakwe. Uzye pacani cino Kaini wamukomile? Apamulandu wakuti milimo yakwe Kaini yali iipe. Lelo milimo ya mwina wakwe yali iisuma.

1 Yoane 3:15

Wino wensi uwapata umwina wakwe wene inkomi. Mwamanya ukuti inkomi yene itakwata umi wape mu mwenzo wakweyo.

Yuda 1:6

Iusyini angeli yano asile vifulo vyao vya ulasi, nu kuvifutatila. Yene yanyepwa mu minyololo ya manda pe, mu kanda nu mu ulanda kufika pa Wanda ukulu wa upinguzi uno yalavunukwamo.

Umbwilo 12:9

Cizoka cikulu cisumbwa pansi. Cene cili cizoka ca mpiti cino yakati Ciwa, nanti Satana, wino akasomba antu amu nsi. Wene pamwi na angeli yakwe yonsi yasumbwa pano nsi.

Umbwilo 13:14

Nupya cisomba antu yonsi akaikala pano pa nsi ku vinjelengwe vino cazumiliziwe kucita pa manso ya cilyanyi ca kutandika. Cilyanyi cinena antu kupanga unkolanya kuti yacindikilemo cilyanyi cino yacisa ku lupanga lelo cili nu umi.

Umbwilo 2:10

Utuvwa intete pali vino wasya ucule. Uvwa! Muli nu kweziwa na Ciwa lino wene alalenga kuti yamwi amunomuli yayalilwe mu ng'anda yaminyololo. Na macuzi yako yalasila mu manda ikumi. Uye uwakutailwa mpaka ni mfwa, nani ndakupeela cilambu cangala icili umi wape.

Umbwilo 21:8

Lelo antete na yano asi nu utailo, na yakacita ya vintu vyawinyi, ni nkomi, yacizelele, alozi, na yakapepa ya tuluwi, na antu yonsi antumpu, wikalo wao a yemba wa moto muno maluti yakapya. Ii ili mfwa yakwe ciili.”

Umbwilo 22:15

Lelo yao akacita vya winyi na alozi, yacizelele ni nkomi, yakapepa ya tuluwi nga na yao akatumpoka mu mazwi nu mu vicitwa kwene, yaa yonsi yalasyala kunzi ya musumba ukulu.

Umbwilo 9:11

Yene yakweti kateeka uwa kuyateeka, kateeka wii u mungeli wino akaangalila ciwina caula impela. Izina lyakwe mu Ciyebulai a Abadoni, nu mu Cigiliki izina lyakwe a Apolyoni, cikusenula, “Wino akaonona.”