Yoane 8:37 - Amazwi Yakwe Leza 2013

³⁷ Nemo manyile vino mwemwe amu mupanda wakwe Abulaamu. Lelo mukulonda kunkoma, pano mutangazumila mazwi yane.

Yoane 8:37 ပူးပေါင်းရင်းမြစ်များ

Mateo 13:15

pano mano yao yakupwa, nga yacilika na matwi yao, na manso yao yazyata. Pano limwi manso yao yangalola, na matwi yao yanguvwa, nu kumanya yangamanya ningo, nu kuzenzuka yangazenzuka, nani ningayapozya.’

Mateo 3:9

Nupya mutaelenganya ukuti muluutuka kuvunukwa kuno kukwiza, apa kulanda ukuti Abulaamu ali cikolwe cinu. Nkumunena vino Leza angasenula amawe yaa ukuya ana yakwe Abulaamu.

Yoane 10:31

Nupya kwene Ayuda yatoola mawe kuti yamutame.

Yoane 11:53

Kufuma pa wanda ulya, intunguluzi zya Ciyuda zipangana kukoma Yesu.

Yoane 5:44

Uzye mungantaila uli, mwe muno mukacindikana mweisikulu, lelo mucinzi uno wafuma kuli Leza wenga, musyakuulonda?

Yoane 7:1

Pacisila ca vintu vii, Yesu wapitanga mu Galile, atakasi kupitana mu Yudeya pano Ayuda yalondanga kumukoma.

Yoane 7:19

Uzye Mose atamupiile Masunde yakwe Leza? Lelo muli mwemwe musi nanti wenga akayela Masunde. Uzye pacani mukulonda kunkoma?”

Yoane 7:25

Antu yamwi amu Yelusalemu yavwanga yati, “Uzye wii asi umuntu wino intunguluzi zya Ciyuda zikulonda kukoma?

Yoane 8:33

Nao yamunena yati, “Sweswe amu mupanda wakwe Abulaamu, tutatala tuya azya ya muntu umwi. Uzye wemo walozya mwi lino wavwanga wati, ‘Mulakululwa?’”

Yoane 8:43

Uzye pacani musyakutezya vino nkuvwanga? Apamulandu wakuti mwaposiwa ukuvwa mazwi yane.

Yoane 8:56

So Abulaamu wali nu luzango pa kulola kwiza kwa wanda wane. Wauweni nga azanga.”

Yoane 8:59

Lyene yasola mawe kuti yamutame, lelo Yesu afisama. Alino afuma mu Ng'anda ikulu yakwe Leza.

Yoane 8:6

Yavwanzile cii kuti yateye Yesu mu mazwi, pakuti yangamupeela umulandu. Lelo Yesu ainama alemba pansi nu munwe.

Milimo 13:26

“Mwe inane, mwe amu luko lwakwe Abulaamu, nga namwe mwe Akulukuwa ali pano mwensi, mwe muno mukapepa Leza, akuli sweswe kuno Ilandwe lya ufyusi lyatumwa!

Loma 9:7

Asi onsi amu luko lwakwe Abulaamu ali ana yakwe Leza. Leza wanenyile Abulaamu ati, “Kupitila sile muli Isaki amuno ulakwata vizikulula vino nakulavile.”

1 Kolinto 2:14

Muntu wino asi na Mupasi, wene atangapokelela mawila yakwe Mupasi wakwe Leza. Muntu uwa musango uu, atangiluka vintu vya Mupasi. Kunoli visisenula cimwi, pano vikalondekwa kuya nu Mupasi Wamuzilo kuti muntu avyuvwe.

1 Yoane 2:14

Mwe ana, nkumulembela pamulandu wakuti mwamanya Tata. Mwe yaisi, nkumulembela pano mwamanya wino uwayako kufuma ku utandiko. Mwe yalumendo, nkumulembela pamulandu wakuti mwakoma. Mazwi yakwe Leza yakomeleka munomuli, nupya mwacimvya Mwipe wilya.