Yoane 8:34 - Amazwi Yakwe Leza 2013

³⁴ Yesu ayanena ati, “Cumi, namunena vino wensi akaifya wene umuzya wa maifyo.

Yoane 8:34 ပူးပေါင်းရင်းမြစ်များ

1 Yamwene 21:25

(Kutatazile kuya umuntu nanti wenga uwayembwike pa manso yakwe Yawe umu kucita ivintu viipe kuluta pali Aabu, pano wene watunkwangwa na Yezebele, umuci wakwe.

Mapinda 5:22

Ivicitwa viipe vya muntu mwipe vikaya iciteyo cakulemyamo umwisikulu, ni milimo iipe iya mukanda ikamuvimbilikizya.

Mateo 5:18

Cumi namunena vino kufika lino iyulu ni nsi vilasila, pasi kalikalata kamwi nanti akalitoni kanono ka mu Masunde kano kalafumiziwapo, kufika lino vintu vyonsi vilafikiliziwa.

Yoane 3:3

Yesu nawe amunena ati, “Cumi, nakunena vino umuntu ndi atavilwe iila lyakwe ciili atangalola Uwene wakwe Leza.”

Milimo 8:23

Pano nalola vino uli nu uzuwa uwipe, nupya wewe muzya wa maifyo.”

Loma 6:12

Caleka mutaleka maifyo yateeka mu mili inu ino ili nu kufwa, nu kulenga kuti mwalondela ulunkumbwa lwa untunze winu.

Loma 6:16

Na limwi mutamanyile vino ndi mwaipela mweisikulu kuya azya yakuyela umuntu umwi, ala mu cumi mwemwe azya yakwe wino mukayela. Acino ndi mwaipela ku maifyo ale mumaya azya ya maifyo, na maifyo yakaleta imfwa. Ndi mwaipela ku kuyela Leza, ale kuyela kwinu kumamulenga mwikale umi wakucita vyawololoke pa manso yakwe.

Loma 6:6

Twamanya vino untu witu wa mpiti watanyilwe pamwi na Klistu pa lupanda, kuti myenzo ya ukakasi ifumiwepo, nu kuti maifyo yatatuteeka uzya.

Loma 7:14

Twamanya vino Masunde yakwe Mose yapilwe na Leza, lelo nemo nene muntu ukufwa, nasumbwa ukuya muzya wa maifyo.

Loma 7:25

Nkataizya Leza wino akacita cii muli Yesu Klistu Mwene witu! Avino canzana nene ne muntu ali umwi nkayela Masunde yakwe Leza mu mwenzo wane nanti angala mu untunze wane nkayela sunde li iifyo.

Loma 8:21

upaalilo wakuti wanda umwi uumbo ulakululwa ku uzya wa kuola, kuti ukakume ku untungwa wa lulumbi lwa ana yakwe Leza.

Efeso 2:2

Mwemo mwalondelile misango iipe iya muno nsi. Mwayelanga wino akateeka insi, nupya wakwata maka pa muntu wensi wino asyayela Leza.

Tito 3:3

Pano mpiti twali awelewele, asyayela nupya antu akaluvyanya. Twacisilwe uzya ku nsuna ni misango yonsi ya vintu vyakuizanzya. Twasumvile nsita zitu mu kucita vyalufyengo nga nu kuzuwilana. Antu yauze yatupasile nga naswe twayapasile.

2 Petulo 2:19

Yene yakalaya untungwa ku antu onsi, lino aisikulu yali azya ya miyele ino ikaonona. Pano umuntu akaya umuzya wa cintu consi cino camucimvya.