Yoane 7:42 - Amazwi Yakwe Leza 2013

⁴² Uzye malembelo yatati Katuula alafuma mu mupanda wakwe Davidi, mu Betelemu, musumba muno Davidi wikalanga?”

Yoane 7:42 ပူးပေါင်းရင်းမြစ်များ

1 Milandu 2:51

Salima uwali a isi wakwe Betelemu, na Halefu uwali a isi wakwe Beti Gadeli.

Masamu 132:11

Awewe walavile nu mulapo kuli Davidi, ulayo uno utalafutuka uti, “Ndalasika wenga uwamu ana yako aonsi apa cilimba cako ica wene.

Masamu 89:4

‘Ndalasika amu mupanda wako apa cilimba ca wene umuyayaya. Nu wene wako ndaukomya umu nkulo zyonsi.’”

Ezaya 11:1

Ululembelya lulatumba apa cisiki cakwe Yese, na pamisisi yakwe palamela umusambo.

Yelemiya 23:5

Yawe walanda wati, “Amanda yaliza lino ndasonta Umwene kacita wa vyaololoke, uwa mupanda wakwe Davidi. Aliwe alateeka wa Mwene wampomvu, uwamano nu kucita ivisuma ni vilungame mu mpanga.

Mika 5:2

Yawe akuti, “Lelo we Betelemu waku Efulata, nanti angala wewe munono mu misumba yakwe Yuda, lelo munuli ndafumya umuntu wino alateeka aina Izlaeli. Intuntuko yakwe wiyo iya mpiti mpiti, kutandikila sile uku katalili.”

Mateo 1:1

Kuu kuli kulondolola kwa mupanda wa vikolwe vyakwe Yesu Klistu, mwana wakwe Davidi, mwana wakwe Abulaamu.

Mateo 2:5

Nao yamwasuka yati, “Mu Betelemu musumba uwamu Yudeya, pano avino kasema walemvile ati,

Mateo 2:6

‘Nawe Betelemu, mu mpanga yakwe Yuda, Usi munono muli yakateeka yakwe Yuda. Pano munuli mulafuma intunguluzi, ino ilaya akateeka wa antu yane aina Izlaeli.’ ”

Luka 2:11

Ilelo kwene mu musumba wakwe Davidi watavyalwa kunomuli Katuula, wino ali a Klistu Mwene.

Luka 2:4

Yosefu nawe wafumile ku musumba wa Nazaleti mu Galile nu kuya ku Betelemu musumba uwamu Yudeya mu musumba wakwe Davidi. Cino Yosefu wailileko pano wali uwamu mupanda nu uwamu luko lwakwe Davidi.

Yoane 7:27

Lelo lino Katuula uwalavilwe aliza, pasi umuntu alamanya kuno wafuma. Lelo swemo twamanya kuno umuntu wii wafuma.”

1 Samueli 16:1

Yawe anena Samueli ati, “Uzye fwandi wemo ulata lilaci ukutezela Saulo? Nemo namukana mpiti ukuti atangaya umwene wa ina Izlaeli. Wemo zuzya sile amafuta umu musazi wako nga ukatuke uwapita. Namakutuma kwakwe Yese umwina Betelemu. Natinsolola wenga uwamu ana yakwe aonsi kuti aye umwene.”

1 Samueli 16:18

Alino umuomvi wenga pa yaomvi yakwe amunena ati, “Mukwai nemo namanya umwana umonsi wakwe Yese umwina Betelemu ali wino wacenjela sana ukulizya gita. Wene umuntu umwi umusipe nu pya icita ca nkondo. Umucenjele mu kuvwanga nupya umuyembe, nga Yawe ali nawe.”

1 Samueli 16:4

Samueli pali pakucita vino Yawe atamunena. Akatuka alulema nu kuya ku Betelemu, kuno aikolo yacincile ukwiza mukomenkanya. Lino yamulola ale yakuizakazila sile. Alino iyamuzya iyati, “Kuli ci yame?”

1 Samueli 17:58

Saulo auzya Davidi ati, “Mulumendo, uzye so aweni?” Davidi nawe aasuka ati, “Nene mwana wa muomvi wako Yese uwaku Betelemu.”