Yoane 7:37 - Amazwi Yakwe Leza 2013

³⁷ Pa wanda wa kumalila kuzevya kwa cimulo nupya uli wanda ukulu, Yesu aimilila, asanzika izwi ati, “Wino wensi ali nu lusala alinzile kwiza kunondi kuti amwe manzi!

Yoane 7:37 ပူးပေါင်းရင်းမြစ်များ

Neemiya 8:18

Cila wanda ukutandikila apa wanda uno yatandikile ukongano wa nsakwe, ukufika napa wanda uwakusyalikizya, Ezila wawelengelanga antu amazwi amu lupapulo lwa Masunde yakwe Leza. Yacindike icintu cii, apa manda cinimbali. Umu wanda wakwe cinani ali muno yacisile ukongano ukalamba uwamuzilo, ndi vino calembwa mu Mpapulo zyakwe Mose.

Masamu 143:6

Natambika makasa yane kunuli, nkukuluka wa musili uume, uno ukulolela imvula.

Masamu 42:2

Umwenzo wane ukulukisya we Leza, Leza wane uwa uumi. Uzye alilaci fwandi lino ndiza mpepele apa manso yako?

Masamu 63:1

We Leza, awewe Leza wane, nupya nkukuluka wakwe cimwi. Ku mwenzo kwane kwatikuuma, pamulandu nu kulonda wewe. Umwili wane, watiuumila pamulandu nawe. Uli kwati umusili wakwe mpanku, ulangoke, umwaula amanzi.

Mapinda 1:20

Uvwa kuno! Amano yakupunda umu miseo. Yakwangula umu misolo.

Mapinda 8:1

Uzye amano yasiaama? Uzye kwiluka asisanzula izwi lyakwe?

Mapinda 8:17

Natemwa yayo antemwa, na wiyo uwacincila ukundonda akanzana.

Mapinda 8:3

Umupipi na pa mpongolo zya musumba ali pano yakalaizya yati,

Mapinda 9:3

Amano yatiyatuma aomvi yayako akazyana, pakuti yaye umu musumba, nu kwimilila umu ncende izitumpuke nga yalaizye yati,

Lwimbo lwakwe Solomoni 5:1

We mutemwikwa wane, nawinga wane, ala nemo natimfika mu calo cane. Nkuzombola usule wane ni vintu vyane vya mununko usuma. Nkulya uci wane na nacisenga wane uwa uci. Nkumwa waini wane ni ziya lyane. Mwemuno mwakundana, lyangini nu kumwa. Mwemuno mwakundana mwangini sile wakwe cimwi.

Ezaya 12:3

Ndi vino amanzi azuke yakaleta insansa kuli wino ali nu lusala, ali vino antu yakwe Leza yakazanga nga wene wayatuula.

Ezaya 40:2

Komelezini aina Yelusalemu. Yanenini muti awe cumi mwacula pavula. Uyi winu watiwelelwa uluse. Nemo ne Mwene winu nalungike apakumufulula apa uyi winu onsi.”

Ezaya 40:6

Izwi lyuvwika iliti, “Laizya.” Nga nani inuzya inti, “Uzye namalaizya cani?” Izwi lili nalyo ilinena iliti, “Laizya ukuti antu yonsi icili conga ni sote. Ukuyemba kwao kwakolana na maluwa ya mpanga.

Ezaya 44:3

Pano ndapongolwela amanzi mu mpanga iyume ndi, ndaletamo inguzi umu lwanga. Ana inu nemo ndayapongolwela Umupasi wane, nupya ndapolelela na amu mupanda winu.

Ezaya 55:1

Mwensi mwemuno mukacula ku lusala izini ku manzi! Nanti mutakweti impiya izini sile. Izini mukale cakulya kwaula impiya, mulye. Mukale ni cakumwa ni ziya ukwaula kulipila.

Ezaya 55:3

Teini amatwi mwize kunondi, munguvwe pakuti imyenzo inu isyukile uumi. Namapangana namwe upangano wa pee, uwaluse uno nalavile Davidi.

Ezaya 58:1

Yawe wavwanga wati, “Pundisya utacilikizya izwi lyako! Uwangulisye wi penga! Kalipila antu yane apa kusanguka kwao, unenole na ang'anda yakwe Yakobo apa maifyo yao.

Yelemiya 16:19

We Yawe, we maka yane, we linga lyane, cakuzinamo cane mu wanda wa ulanda. Imitundu iliza kunuli, ukufuma ku mipaka ya mpanga ilalanda nu kuti, “Yatata yapyanyile ivyaufi utupu tupu, ivyaciwelewele, vyaula amaka.

Yelemiya 2:2

“Nkaiusya ukuti lino mwali ance mwali ni cuvwilo. Mwemo mwantemilwe wakwe cimwi muli unawinga winu. Yandondile umu lwanga, itupita suka tufika mu mpanga itatala yalimwa.

Ezekelo 47:9

Na konsi kuno uluzi lwala lwapita, viumbwa vyaumi vyonsi visenya mwenemo vilakwata umi. Inswi zilasanda, pasi pano konsi ukulafika amanzi yayo yalaleta umutende, na konsi kulapita uluzi luu kulaya umi wampomvu.

Aina Levi 23:36

Pa manda cinimbali, cila wanda mulinzile ukupeela amawila akocela Yawe. Nupya pa wanda uwalenga cinani mulinzile kukongana pamwi ku mapepo nu ku kupeela amawila akocela Yawe. Uu, uwanda wa mapepo nupya mutalinzile ukuomba umulimo nanti umwi.

Aina Levi 23:39

“‘Lino mwamala ukuzombola ivilimwa mu vyalo vinu, mwazevya cimulo cii pa manda cinimbali, ukutandika pa wanda uwalenga ikumi na yasano uwa mwezi wakwe cinimbali. Uwanda wakutandika ulinzile ukuya uwanda wamuzilo uwakupuza.

Mika 6:9

Icintu camano ukoopa izina lyakwe Yawe. Wene akulaizya ku ikazi amu Yelusalemu ati, “Uvwini kuno, mwe ikazi amu Yelusalemu mwensi.

Zakaliya 9:15

Yawe Wamaka yonsi alacingilila antu yakwe, nayo yalakomola anisi yao. Mu nkondo antu yakwe yalapunda wa antu ati yakoleka uwengwa, yalazwisya uwazi wa anisi yao, uno ulaazwa kwati uwazi wa mpolelwa uno yitulwila mu lweso pa kavuwa ka mpolelwa.

Mpendwa 29:35

“Pa wanda uwalenga cinani, mulinzile kukongana ku mapepo nupya kusi ukuombamo umulimo uli onsi uno ukaombwa lyonsi.

Mateo 11:28

“Izini kunondi, mwensi mwe yatonte nupya anyomelwa, nani namamupeela upuzo.

Mateo 3:3

Pano Yoane ali wino kasema Ezaya wavwanzile ati, “Umwi akulaizya mu lwanga ati, ‘Zifini museo mwakupita Mwene, olololini inzila mwakupita aliwe.’ ”

Mateo 5:6

Alongo antu yano yakalondesya kucita ivyawololoke vyakwe Leza ni myenzo yao yonsi. Pano Leza alayapeela vyonsi vino yakulonda.

Yoane 1:23

Yoane aasuka ndi vino kasema Ezaya wavwanzile ati, “Nene izwi lyakwe umwi akulaizya mu lwanga ati, ‘Olololini inzila mwakupita Mwene!’”

Yoane 14:6

Yesu amwaasuka ati, “Nene ndi nzila, ni cumi, nu umi. Pasi umwi angiza kuli Tata suka wizila muli nene.

Yoane 4:10

Yesu nawe amwaasuka ati, “Ndi wamanyile uwila wakwe Leza, na wino akukulenga manzi ya kumwa, nawe wange umulenge, nga wene wange akupeele manzi akapeela umi.”

Yoane 4:11

Umwanaci ati, “Musambazi nga vino wemo utakweti cakusembela, nga ni cifula naco icizike, uzye lyene manzi kwene yayo akapeela umi umayafumya kwi?

Yoane 4:14

Wino wensi alamwa manzi yano nemo ndamupeela wene ataluvwa lusala nupya. Manzi yano ndamupeela yene yalaya wa kafukoka ka manzi munoli, yano akapeela umi wape.”

Yoane 5:40

Lelo nalyo kwene mwemo mutakasi kwiza kunondi kuti muye nu umi wape.

Yoane 6:35

Yesu nawe avwanga ati, “Nene cakulya icikapela umi.” “Wino uwiza kunondi ataluvwa nzala, nga na wino uwataila ataluvwa lusala.

Yoane 6:37

Onsi yano Tata wampeela yaliza kunondi, na wino wensi uwiza kunondi ntalamuzinga.

Yoane 6:55

Pano umwili wane uli cakulya kwene ca cumi. Uwazi wane nao uli cakumwa kwene ca cumi.

Yoane 7:28

Lino Yesu wasambilizyanga mu Ng'anda ikulu yakwe Leza, asanzika izwi ati, “Uzye nemo mwamanya mu cumi, nga na kuno nafuma? Nemo ntaizila pa lwane. Lelo Tata wino uwantuma uwa cumi. Mwemo mutamumanya.

1 Kolinto 10:21

Mutangamwa mu lwako lwa Mwene nga nu mulwako lwa mipasi yankota. Mutangalya pa cipango ca Mwene nga na pa cipango ca mipasi yankota.

1 Kolinto 10:4

nga nu kumwa cakumwa cili cimwi ca umupasi, cino yamwanga kufuma mu mulunda wa umupasi uno wapitanga nayo. Nu mulunda uo wali a Klistu umwisikulu.

1 Kolinto 11:25

Mu musango uli onga kwene, pacisila ca kulya cimulo atoola ulwako nga avwanga ati, “Lwako luu ulwa upangano upya uno Leza watamapo insimbi nu wazi wane. Lyonsi lino mukumwa mwacita cii pa kunjiusya.”

1 Kolinto 12:13

Mu musango uli onga kwene, swensi kwene, Ayuda nanti Akulukuwa, azya nanti antungwa, twawatiziwe na Mupasi Wamuzilo ali umwi kwene kuti tuye mwili onga. Nupya swensi twapokelela Mupasi Wamuzilo wenga kwene.

Efeso 5:18

Mutakoleka waini pano wene angamonona. Lelo muzuziwemo na Mupasi Wamuzilo.

Umbwilo 21:6

Lyene avwanga ati, “Cati cicitwa! Nene Alufa na Omega, kuli kuti uwakutandika nu wakusyalikizya. Wensi ali nu lusala ndamupeela nsambu ya kumwa uwila mu kafukoka ka manzi yano akapeela umi.

Umbwilo 22:1

5Lyene mungeli andanga luzi lwa manzi yano akapeela umi, luyengese wakwe Kulustele, luno lwafuma mu cilimba ca wene cakwe Leza nupya ca Mwana wa Mfwele.

Umbwilo 22:17

Mupasi Wamuzilo pamwi na Nawinga yakuti, “Iza!” Na wino wensi akuuvwa vii alinzile alande ati, “Iza!” Wino wensi ali nu lusala, aiize. Wino wensi akulonda manzi yano yakapela umi, yene yamapelwa kunoli uwila.