Yoane 7:36 - Amazwi Yakwe Leza 2013

³⁶ Uzye walozya mwi vino wati mulandonda lelo mutalanzana, pano mwemo mutangaya kuno ndikala?”

Yoane 7:36 ပူးပေါင်းရင်းမြစ်များ

Yoane 12:34

Caleka iumba limunena liti, “Tuvwile mu Masunde itu vino Katuula uwalavilwe alaya nu umi manda pe. Uzye lyene wemo ungavwanga uli uti, Mwana wa Muntu alinzile kusamikwa pa cimuti? Uzye Mwana wa Muntu wii aweni?”

Yoane 13:33

Mwe ana yane, namaya namwe pa kasita kanono sile. Mulandonda, lelo namunena vino nanenyile intunguluzi zya Ciyuda, inti ‘Mutangaya kuno nkuya.’

Yoane 3:4

Nikodemo amuuzya ati, “Uzye umuntu wikolo angavyalwa uli? Uzye angaswilila liili mu ndilwa yakwe nyina, nga nupya avyalwe?”

Yoane 3:9

Nikodemo nawe amuuzya ati, “Uzye cii cingacitika uli?”

Yoane 6:41

Ayuda yang'wing'wintika pano wavwanga wati, “Nene cakulya cino cafuma kwiyulu.”

Yoane 6:52

Caleka Ayuda yapazyanya nu kuuzyanya aisikulu yati, “Uzye umuntu wii angatupeela mwili wakwe kuti tulye mu musango cii?”

Yoane 6:60

Lino alondezi yakwe aingi yuvwa vino Yesu wavwanga, nao yavwanga yati, “Amazwi yaa akome. Uzye aweni angayazumila?”

Yoane 7:34

Mulandonda, lelo mutalanzana, pano mwemo mutangaya kuno ndikala.”

Yoane 8:21

Yesu ayanena nupya ati, “Nemo ndapita, namwe mulandonda. Lelo mulafwila mu maifyo inu. Kuno ndaya mwemo mutangayako.”

1 Kolinto 2:14

Muntu wino asi na Mupasi, wene atangapokelela mawila yakwe Mupasi wakwe Leza. Muntu uwa musango uu, atangiluka vintu vya Mupasi. Kunoli visisenula cimwi, pano vikalondekwa kuya nu Mupasi Wamuzilo kuti muntu avyuvwe.