Yoane 7:35 - Amazwi Yakwe Leza 2013

³⁵ Alino intunguluzi zya Ciyuda izyuzyanya ziti, “Uzye umuntu wii alaya kwi, kuno tutalamuzana? Uzye alaya ku misumba yaku Akulukuwa kuno antu itu yamwi yakaikala, kuti akasambilizye Akulukuwa?

Yoane 7:35 ပူးပေါင်းရင်းမြစ်များ

Masamu 147:2

Yawe alakuululula Yelusalemu cipya cipya. Wene alawezya na ina Izlaeli aali umu uzya.

Ezaya 11:10

Mu wanda ulya uwene nupya ukufuma ku cisinte cakwe Yese, ulimilila nu kuya wa cimanyililo uku mitundu. Imitundu ilakusika nu kwiza kolongana kuno ali, ni cifulo cakwe cilacindama.

Ezaya 11:12

Yawe alakatusya uluunga apakulanga imitundu ukuti akukonganika pamwi nupya antu asalangine, yakwe Izlaeli na yakwe Yuda, nu kuyaleta ukufuma mu ntunga zyonsi ziini izya nsi.

Ezaya 49:6

Yawe wavwanga wati, “Ukuya umuomvi wakututulula inko zyakwe Yakobo, nu kuwezya aina Izlaeli kwacepesya, kutakulinzile foo. Fwandi namalunda penepo nu kukucita uluswepo lwakukozezya ainamasi, apakuti ufyusi wane ufike uku mpela ya nsi.”

Ezaya 56:8

Anene ne Yawe navwanga. Nene kwene nemuno nafumizye antu yane aina Izlaeli mu uzya nu kuyawezezya kumwao. Nalaya nu kuti ndakolonganika nayauze kwene pakuti yakize yakaye pali ponga kwene na yano nakolonganika mpiti.

Zefaniya 3:10

Ukutandikila nu kutali kwene ku nguzi zyaku Kusyi, antu yane asalangana, yayo akampepa, yalafuma kweneko nu kundetela amawila.

Mateo 12:21

Munoli antu amu nko zyonsi yalapaalila.”

Luka 2:32

Ufyusi wako ukoline wa luswepo ku Akulukuwa luno lulaleta ululumbi ku antu yako aina Izlaeli.”

Yoane 12:20

Pali yao aile ku Yelusalemu ku kupepa Leza pa nsita ya kuzevya Cimulo ca Ucilo, pali Agiliki yamwi.

Yoane 7:1

Pacisila ca vintu vii, Yesu wapitanga mu Galile, atakasi kupitana mu Yudeya pano Ayuda yalondanga kumukoma.

Yoane 8:22

Caleka intunguluzi zya Ciyuda zivwanga ziti, “Wene wavwanga vino swemo tutangaya kuno alaya, uzye kuli kuti amaikoma?”

Milimo 11:18

Lyene lino yuvwa vintu vii, yata kupazyanya nawe, lelo yati, “Lyene Leza watapela Akulukuwa isyuko lya kuzenzuka kuti yaye nu umi!”

Milimo 11:20

Lelo yamwi muli yao ataile, aonsi afumile ku Kupulo nu ku Kuleni, yaile ku Antioki yakukosola ilandwe nu ku Akulukuwa kwene, yayanena Ilandwe Lisuma lya Mwene Yesu.

Milimo 14:1

Ivyacitike ku Antioki ivyacitike nu ku Ikoniamu kwene. Paulo na Banaba ingila mu ng'anda ya mapepo ya Ayuda, yene yakosola na maka cakuti Ayuda na Akulukuwa aingi yataila muli Yesu.

Milimo 17:4

Yamwi munoyali yataila mazwi yailundanya kuli Paulo na Sailasi, nga ni umba lya Agiliki yano apepanga Leza, na anaci acindame, nao kwene yailundanya kunoyali.

Milimo 18:4

Cila Sabata wayanga ku ng'anda ya mapepo ala akwezya kutonsya Ayuda na Agiliki kuti yazumile.

Milimo 21:21

Yuvwa ukuti wasambilizyanga Ayuda yano aikala mu mpanga zya Akulukuwa kuti yasule Masunde yakwe Mose, ala ukuyanena ukuti yatasilamula ana yao nanti ukulondela intambi zya Ayuda.

Milimo 22:21

Mwene anena ati, ‘Pitanga, Pano namakutuma kutali ku Akulukuwa.’”

Loma 1:16

Pano nsi na nsonyi zya pi Landwe Lisuma, pano ali maka yakwe Leza akutuula wino wensi wataila, nkolelo ku Ayuda, nga nu ku Akulukuwa.

Efeso 3:8

Nemo nacepesya pa antu yao ali anono kuluta mu antu yakwe Leza onsi. Lelo Leza wampile maka akukosola Ilandwe Lisuma ku Akulukuwa, ilya pa vya ukama wakwe Klistu uno utakwata cipimo.

Kolose 1:27

Ipange lyakwe Leza ilya kuumbula nkama kwene ii iyalulumbi ku antu yakwe. Nupya nkama ii iyakupeela ku antu onsi. Nkama iyakuti Klistu aikala munomuli, nupya wene ali upaalilo winu uwa kukuma ku lulumbi lwakwe Leza.

1 Timoti 2:7

Acino wene wantumile kuya mutumwa nupya kasambilizya wa Akulukuwa, kuti nakosola ilandwe ilya kulenga antu yataile cumi. Nemo nsyakutumpoka. Lelo nkulanda cumi!

2 Timoti 1:11

Leza wansolola kuti inje kakosola, mutumwa na kasambilizya wi Landwe Lisuma.

Yakobo 1:1

Kalata kufuma kuli ne Yakobo, muomvi wakwe Leza nu wa Mwene Yesu Klistu. Nkulamuka antu yakwe Leza yonsi mitundu ikumi na ili asalangana konsi mu nsi.

1 Petulo 1:1

Kalata kufuma kuli ne Petulo mutumwa wakwe Klistu Yesu. Nkulembela antu asololwe yakwe Leza, yano asalangana wa mbutusi mu miputule yonsi yamu Ponto, Galatiya, Kapadokiya, Asiya, nga nu mu Bitiniya.