Yoane 7:31 - Amazwi Yakwe Leza 2013

³¹ Lelo amwi umba aingi yamutaila yati, “Lino Katuula uwalavilwe aliza, uzye alacita vilangililo kuluta vii vino umuntu wii akucita?”

Yoane 7:31 ပူးပေါင်းရင်းမြစ်များ

Mateo 12:23

Alino antu yonsi yazunguka yati, “Uzye wii angaya Mwana wakwe Davidi?”

Luka 8:13

Imbezu izyaponile pa lwala, antu yano akauvwa mazwi yakwe Leza, nu kuyapokelela nu luzango. Lelo mazwi yakwe Leza yasiingila nu kwika misisi mukasi ka myenzo yao. Caleka lino nsita yakweziwa yafika, yanenuka.

Yoane 11:45

Ayuda aingi yano aizile ku kutandalila Maliya lino yalola cino Yesu wacita yamutaila.

Yoane 12:11

pano Ayuda aingi pamulandu wakwe Lazalo yakananga yasimapepo nu kutaila Yesu.

Yoane 12:42

Nanti angala cali vii, aingi mu ntunguluzi zya Ciyuda yataile muli Yesu. Lelo pamulandu wa Afaliseo, yene yatalandanga cii paswe kuti yatazingwa mu ng'anda ya mapepo.

Yoane 2:11

Yesu wacisile cilangililo cii cakutandika mu Kana, muzi uwaku Galile. Muli cii amuno wasokolwile lulumbi lwakwe, nga na alondezi yakwe yataile munoli.

Yoane 3:2

Wene waile kuli Yesu usiku, amunena ati, “Kasambilizya, twamanya vino wewe Kasambilizya wino wafuma kuli Leza. Pano pasi umuntu angacita vilangililo vino wemo ukacita, suka Leza ali nawe.”

Yoane 4:29

“Ndi mukalole umuntu wino wali wanena vintu vyonsi vino nacita. Uzye wii angaya ali Katuula uwalavilwe?”

Yoane 4:39

Lyene mu musumba ulya Asamaliya aingi yataile Yesu pamulandu wa mazwi yano umwanaci wayanenyile ati, “Wali wanena vintu vyonsi vino nacita.”

Yoane 6:2

Alino iumba likulu limulondela, pano lyaweni vilangililo vino wacisile pa kupozya yao ali alwale.

Yoane 7:26

Lolini, wene akuvwanga paswe, nga kusi nanti wakumucilima! Uzye ale intunguluzi zyamanya ningo ukuti wene ali Katuula uwalavilwe?

Yoane 9:16

Yamwi amu Afaliseo yavwanga yati, “Umuntu uwali wacita cii atafuma kuli Leza, pano asyayela isunde li Sabata.” Lelo yauze yati, “Uzye kaifya angacita uli vilangililo wakwe vii?” Alino mukasi kao yapalukana.

Milimo 8:13

Simoni umwisikulu nawe kwene wataile na pacisila ca kuwatiziwa, watenzi pamwi na Filipo nga cimuzungula lino walola vizungusyo vikulu nga ni vinjelengwe ivyacitwanga.

Yakobo 2:26

Caleka, vino mwili uwaula mupasi ala ufwe, vivyo kwene nu utailo uwaula milimo isuma nao ufwe.