Yoane 7:14 - Amazwi Yakwe Leza 2013

¹⁴ Lino manda ya kuzevya cimulo yafika pakasi, Yesu aingila mu Ng'anda ikulu yakwe Leza atandika kusambilizya.

Yoane 7:14 ပူးပေါင်းရင်းမြစ်များ

Malaki 3:1

Yawe Wamaka yonsi wavwanga wati, “Lolini ndatuma inkombe yane, ino ilanteyanyizizya umwakupita. Lyene mu nsita ino mutenekile umwene wino mukalonda aliza ku Ng'anda yakwe ikulu. Inkombe ya upangano, ino mwalukisya ukulola, iliiza nu kukosola upangano wane.”

Mpendwa 29:17

“Pa wanda wakwe ciili, muli nu kupeela tucipambasi ikumi na twiili, yasuuku yaili nu twana twa mfwele utwa mwaka onga nato ikumi na tuni, ututakweti ulema nanti aumwi.

Mpendwa 29:20

“Pa wanda uwalenga yatatu, muli nu kupeela ing'ombe, yacipambasi ikumi na wenga, yasuuku yaili, nu twana twa mfwele utwa mwaka onga ikumi na tuni ututakweti ulema nanti aumwi.

Mateo 21:12

Yesu aingila mu Ng'anda ikulu yakwe Leza, azinga aculuzi na akauzyanyanga vintu vyao. Lyene apenola vipango vyakwe yakakauzya ya mpiya ni vilimba vyakwe yano akazyanga inkunda.

Mateo 26:55

Pa kasita kaka, Yesu anena iumba ati, “Uzye mwizile kuli nene ni mpaanga ni zya ntuwa pa kundema, ungati nene cipondo? Manda aingi nazanwanga mu Ng'anda ikulu yakwe Leza, ala nkusambilizya, nga namwe mutandemile.

Luka 19:47

Manda onsi Yesu wasambilizyanga mu Ng'anda ikulu yakwe Leza. Yasimapepo akalamba, yakasambilizya ya Masunde, ni ntunguluzi zya antu amu Yudeya, yalondanga ukumukoma.

Yoane 18:20

Yesu amunena ati, “Nsita zyonsi navwanganga paswe kuli cila muntu. Kusambilizya kwane konsi kwacitwanga mu mang'anda yamapepo, nga nu mu Ng'anda ikulu yakwe Leza, muno Ayuda yonsi yakongananga. Ntatala navwanga cimwi mu nkama.

Yoane 5:14

Pacisila cakwe cii, Yesu amuzana mu Ng'anda ikulu yakwe Leza, nga amunena ati, “Lola, lyene watupoziwa. Caleka ute ukwifya pakuti cimwi cipisye kuluta cii citakakuponele.”

Yoane 7:2

Lelo lino wanda wakuzezya Cimulo ca Nsakwe ca Ayuda wapalama,

Yoane 7:28

Lino Yesu wasambilizyanga mu Ng'anda ikulu yakwe Leza, asanzika izwi ati, “Uzye nemo mwamanya mu cumi, nga na kuno nafuma? Nemo ntaizila pa lwane. Lelo Tata wino uwantuma uwa cumi. Mwemo mutamumanya.

Yoane 7:37

Pa wanda wa kumalila kuzevya kwa cimulo nupya uli wanda ukulu, Yesu aimilila, asanzika izwi ati, “Wino wensi ali nu lusala alinzile kwiza kunondi kuti amwe manzi!

Yoane 8:2

Katondo tondo pa wanda uwalondelile aya aingila mu Ng'anda ikulu yakwe Leza. Antu yonsi yamuunganila, nga aikala pansi atandika kusambilizya.

Yoane 8:20

Mazwi yaa wayavwangile mu Ng'anda ikulu yakwe Leza, ala akusambilizya mu muputule umwali cipao ca mawila. Patali umuntu wakumulema, pano kasita kakwe ala katali kafike.