Yoane 7:12 - Amazwi Yakwe Leza 2013

¹² Mwi umba mwali ukutotozana cuze pamulandu na aliwe. Yamwi yati, “Wene umuntu musuma”, nga yauze nao yati, “Awe! Pano akupuulola antu.”

Yoane 7:12 ပူးပေါင်းရင်းမြစ်များ

Mateo 10:25

Calinga ukuti kasambilila alingane na kasambilizya wakwe, muomvi nawe alingane nu mwene wakwe. Mwine wa ng'anda ndi akaamwa ukuti a Belezebu, uzye yauze amu ng'anda yalaamwa uli?

Mateo 21:46

Lyene yalonda nzila yakumulemelamo, lelo yoopa iumba pano antu yataile vino Yesu akasema.

Mateo 27:63

Yamunena yati, “Musambazi, tukwiusya vino musomvi wilya wavwanzile, lino atali kuti afwe ati, ‘Pacisila ca manda yatatu ndazyukuka nupya.’

Luka 18:19

Yesu nawe amwaasuka ati, “Uzye pacani wangama musuma? Kusi nanti umwi musuma suka Leza wenga.

Luka 23:47

Musika wa mpuka ya vita lino walola vino ivyacitike alumbanya Leza, ati, “Cumi umuntu wii wali uwakaele!”

Luka 23:50

Kwali umuntu izina lyakwe a Yosefu, uwaku Alimatiya, umusumba uwamu Yudeya. Wali uwamu nkombe zya mwi Tengo. Wali umusuma nupya uwalondelanga masunde,

Luka 6:45

Muntu musuma akafumya vintu visuma pamulandu wa visuma vyaya mu mwenzo wakwe. Muntu mwipe nawe akafumya vintu viipe pamulandu wa viipe vyaya mu mwenzo wakwe. Pano mulomo ukavwanga vintu vizile mu mwenzo.

Luka 7:16

Onsi yuvwa intete, yalumbanya Leza yati, “Kasema mukulu wataloleka pakasi kitu! Leza wataiza ku kwazwa antu yakwe!”

Yoane 6:14

Caleka lino antu yalola cilangililo cino Yesu wacita yavwanga yati, “Cumi wii ali kasema wino malembelo yakati ali nu kwiza!”

Yoane 7:32

Lino Afaliseo yuvwa vino iumba likutotozana vya pali Yesu, yene pamwi na yasimapepo akalamba yatuma yakalinda amu Ng'anda ikulu yakwe Leza kuti yakamuleme.

Yoane 7:47

Afaliseo nao yayauzya yati, Uzye namwe kwene mwapuululwa nawe?

Yoane 7:52

Nao yamunena yati, “Endi, uzye nawe kwene wewe uwamu Galile? Ulonde mu malembelo ndi umazana pano calembwa vino ku Galile kulafuma kasema.” [Umu mpapulo izyalemvilwe ku katalili kumwi ni mpapulo zyuze izya umboni zino tungasintililamo mutaya Yoane 7:53-8:11.]

Yoane 9:16

Yamwi amu Afaliseo yavwanga yati, “Umuntu uwali wacita cii atafuma kuli Leza, pano asyayela isunde li Sabata.” Lelo yauze yati, “Uzye kaifya angacita uli vilangililo wakwe vii?” Alino mukasi kao yapalukana.

Milimo 11:24

Banaba wali umuntu musuma, uwazuziwe na Mupasi Wamuzilo, nga nu utailo. Antu aingi yataile mu Mwene.

Loma 5:7

Pano caya icitale kuti umuntu afwile umuntu musuma. Manye umwi angaposya kufwila umuntu musuma.

Filipi 2:14

Mwacita vyonsi kwaula kuilizyanya nanti vikanza,