Yoane 6:68 - Amazwi Yakwe Leza 2013

⁶⁸ Simoni Petulo amwaasuka ati, “Mwene, uzye aweni namuze wino tungayako? Mazwi yako yakapela umi wape.

Yoane 6:68 ပူးပေါင်းရင်းမြစ်များ

Masamu 73:25

Awewe wenga mpo, awewe nasumbako amano yane umwiyulu mumo, nga namuze fwandi, aweni? Icani nacuze cino nemo ningalonda pano nsi ukuluta pali wewe?

Mateo 16:16

Simoni Petulo nawe aasuka ati, “Wewe Katuula uwalavilwe, Mwana wakwe Leza uwa umi.”

Mako 8:29

Yesu nawe ayauzya ati, “Uzye mwemo mukati nene weni?” Petulo nawe aasuka ati, “Wewe Katuula uwalavilwe.”

Luka 9:20

Yesu nawe ayauzya ati, “Uzye mwemo, mukati nene weni?” Petulo nawe aasuka ati, “Wewe uli Katuula uwalavilwe.”

Yoane 12:49

Pano ntakuivwangila, lelo Tata uwantuma wene wampeela ilamulo muno ningavwangila na muno ningakosolela.

Yoane 12:50

Nani namanya vino ilamulo lyakwe likatungulula ku umi wa pe! Caleka vino nkukosola avino Tata wanenyile, avino nkavwanga.”

Yoane 17:8

Nayapile mazwi yano wampile, nga nao yayapokelile. Yamanya vino cacumi nemo nafumile kunuli, nu kutaila vino wewe wantumile.

Yoane 5:24

“Cumi namunena vino, wensi wino akuuvwa mazwi yane, nu kutaila wino uwantumile, wene akweti umi wape, wene atalapingulwa, lelo wene watafuma ku mfwa aya ku umi.

Yoane 6:40

Pano kulonda kwakwe Tata kwakuti wensi uwalola Mwana nu kumutaila, wene alaya nu umi wape, nga nani ndaleka azyukuke pa wanda wampelelekezyo.”

Yoane 6:63

Mupasi wakwe Leza aliwe akapeela umi. Amaka ya muntu yatangapeela umi. Amazwi yano namunena yene akapeela Mupasi wakwe Leza nu umi.

Milimo 13:26

“Mwe inane, mwe amu luko lwakwe Abulaamu, nga namwe mwe Akulukuwa ali pano mwensi, mwe muno mukapepa Leza, akuli sweswe kuno Ilandwe lya ufyusi lyatumwa!

Milimo 4:12

Kusi umuntu nanti wenga muno antu yangazana ufyusi, pano muno nsi yonsi kusi zina na lyuze lino Leza wapela kunotuli lyakuti tutuulilwemo.”

Milimo 5:20

“Yangini mu Ng'anda ikulu yakwe Leza, munene antu mazwi pamulandu wa umi upya.”

Milimo 7:38

Mose kwene wii uwali na aina Izlaeli lino yakongine mu lwanga, nupya uwali ni vikolwe vitu pamwi nu mungeli uwavwanzile nawe pa Mwamba wa Sinai. Wene uwapokelile na mazwi akapeela umi kuti atupele.

Milimo 8:37

Filipo nawe aasuka ati, “Ndi wataila nu mwenzo wako onsi ungawatiziwa. Alino nawe aasuka ati nataila vino Yesu Klistu Umwana wakwe Leza.”]