Yoane 6:62 - Amazwi Yakwe Leza 2013

⁶² Uzye lyene cingaya uli ndi mwaweni Mwana wa Muntu akukwela kwiyulu, kuswilila kuno wafumile?

Yoane 6:62 ပူးပေါင်းရင်းမြစ်များ

Mateo 8:20

Yesu amunena ati, “Yankusa yakwata ininga umwa kulala, ni vyunyi vyakwata ivinsanzo, lelo Mwana wa Muntu atakwata pa kusamila mutwe wakwe.”

Mako 16:19

Pacisila lino Mwene Yesu wavwanga kunoyali, asendwa kwiyulu kupela, aikala kwi kasa lilunji lyakwe Leza.

Luka 24:51

Lino acili akuyapolelela, ayasya asendwa kwiyulu kupela.

Yoane 16:28

Nafumile kuli Tata, nga niza mu nsi. Nupya ndakai namasya insi nu kuya kuli Tata.”

Yoane 17:11

Ndakai nkwiza kunuli. Ntacili mu nsi, lelo yene yacili mu nsi. Tata Wamuzilo! Yasunge kupitila mu maka yako yano wampile, kuti yaye wenga ndi vino wewe nani twaya wenga.

Yoane 3:13

Pasi umuntu watala wakwela kwiyulu, suka sile Mwana wa Muntu wino uwisile kufuma kwiyulu.”

Yoane 6:27

Mutaombela cakulya cino cikalowa, lelo mwaombela cakulya cino cikaikalilila manda pe nupya cikapela umi wape. Cii cili cakulya cino Mwana wa Muntu alamupeela, pano Leza Tata wamupeela insambu yakucita vivyo.”

Yoane 6:42

Yavwanga yati, “Uzye wii asi Yesu mwana wakwe Yosefu? Uzye lyene angavwanga uli ati, ‘Nafuma kwiyulu?’”

Yoane 6:53

Yesu ayanena ati, “Cumi namunena vino ndi mutangalya mwili wa Mwana wa Muntu nu kumwa wazi wakwe, mutangaya nu umi.

Milimo 1:9

Pacisila lino wavwanga vintu vii, asendwa kwiyulu ala yakulola. Alino ikumbi limuvimba nga nao yata kumulola.

1 Petulo 3:22

Ndakai Klistu waya kwiyulu kuno atenzi kwi kasa lilunji lyakwe Leza, nupya akuteeka pa angeli, na maka yonsi amwiyulu.