Yoane 6:60 - Amazwi Yakwe Leza 2013

⁶⁰ Lino alondezi yakwe aingi yuvwa vino Yesu wavwanga, nao yavwanga yati, “Amazwi yaa akome. Uzye aweni angayazumila?”

Yoane 6:60 ပူးပေါင်းရင်းမြစ်များ

Mateo 11:6

Alongo ayao asikuntwisika.”

Yoane 2:2

na Yesu pamwi na alondezi yakwe yaamilwe ku winga.

Yoane 5:25

Cumi namunena vino, kasita kakwiza, nupya kati kafika, lino afwe yaluvwa izwi lya Mwana wakwe Leza. Lyene yano aluvwa izwi lyakwe yalaya nu umi.

Yoane 6:52

Caleka Ayuda yapazyanya nu kuuzyanya aisikulu yati, “Uzye umuntu wii angatupeela mwili wakwe kuti tulye mu musango cii?”

Yoane 6:64

Lelo nalyo kwene yamwi munomuli yasyakutaila.” (Kufuma ku utandiko wa kutumikila kwakwe, Yesu wamanyile yao atalamutaila nga na wiyo alamukoopa)

Yoane 6:66

Kufuma lilyo kwene, alondezi yakwe Yesu aingi yamusya yata kumulondela.

Yoane 7:3

aina yakwe Yesu yamunena yati, “Fuma ku cifulo cii uye ku Yudeya, kuti alondezi yako yakalole milimo ino ukacita.

Yoane 8:31

Caleka Yesu anena yao amutaile ati, “Ndi mukuyela mazwi yane, mu cumi ale mwemwe alondezi yane.

Yoane 8:43

Uzye pacani musyakutezya vino nkuvwanga? Apamulandu wakuti mwaposiwa ukuvwa mazwi yane.

Ayebulai 5:11

Tukweti vintu vingi ivya kulanda pamulandu uu. Lelo cili citale cuze kulondolola kunomuli pano musyauvwa zuwa.

2 Petulo 3:16

Vii avino akulanda mu makalata yakwe yonsi lino walemba pa vintu vii. Mu makalata yakwe mwaya vintu vimwi vitale kuvwa vino antu atutu nupya atatekela yakapililika. Vikwene avino yakapililika ni vyamu malembelo yauze.