Yoane 6:57 - Amazwi Yakwe Leza 2013

⁵⁷ Tata wino akapeela umi uwantuma, nga nani indi nu umi pamulandu wakwe. Mu musango uli onga kwene wino wensi akulya umwili wane alaya nu umi pamulandu wane.

Yoane 6:57 ပူးပေါင်းရင်းမြစ်များ

Masamu 18:46

Yawe umumi. Lumbanyini Ciliwe cane! Landini ukulu wakwe Leza wino akantuula.

Yelemiya 10:10

Lelo wemo Yawe, wewe uli Leza wacumi. Wewe uli Leza waumi, nupya Mwene wa pee. Lino wasoka, insi ikatenta. Antu amu nko zyuze yatangazizimizya ukali wako.

Mateo 16:16

Simoni Petulo nawe aasuka ati, “Wewe Katuula uwalavilwe, Mwana wakwe Leza uwa umi.”

Yoane 14:19

Pa kasita kanono antu amu nsi yatalandola, lelo mwemo mulandola. Ndi vino nemo ndi nu umi, namwe kwene mulaya nu umi.

Yoane 14:6

Yesu amwaasuka ati, “Nene ndi nzila, ni cumi, nu umi. Pasi umwi angiza kuli Tata suka wizila muli nene.

Yoane 17:21

Nkuyapepela kuti yonsi kwene yaye wenga. Tata! Si leka yaye wenga, ndi vino wewe nani twaya wenga. Si leka yaye wenga, kuti antu amu nsi yataile vino wewe wantumile.

Yoane 3:17

Pano Leza atatumile Mwana wakwe muno nsi kuti aiize apingule amu nsi, lelo kuti atuule umi wao.

Yoane 5:26

Vino Tata ali ntulo ya umi, avino walenga nu Mwana kwene kuti aye intulo ya umi.

Yoane 6:29

Yesu nawe aasuka ati, “Cino Leza akulonda kuti mucite, ukutaila muli wino watuma.”

Yoane 6:38

Pano nika kufuma kwiyulu asi kwiza cita kulonda kwane, lelo kulonda kwakwe wino uwantuma.

1 Kolinto 15:22

Ndi vino Adamu walesile imfwa kunotuli swensi, avino Klistu nawe waleta umi kunotuli swensi.

1 Kolinto 15:45

Pano calembwa mu malembelo cati, “Muntu wakutandika, Adamu, waumvilwe aya ciumbwa ca umi.” Lelo Yesu wino ali Adamu wakusyalikizya, wene ali Mupasi wino akapeela umi.

2 Kolinto 13:4

Nanti angala wali umutonte lino yamutanyile pa lupanda, ndakai ali nu umi kupitila mu maka yakwe Leza. Swemo tuli atonte ndi vino Klistu wali. Lelo mulalola ukuti swemo tulaya nu umi kupitila mu maka yakwe Leza, ndi vino Klistu ali.

Galatiya 2:20

Nemo nafwa, lelo Klistu akaikala munondi. Umi uno ndakai ndi nao, nkaikala pakutaila mu Mwana wakwe Leza, wino uwantemilwe nga nu kupeela umi wakwe pamulandu wane

1 Tesalonika 1:9

Antu yaya yonsi yakulanda pa kuzengela kuno mwatuzengile, nga na vino mwazenzwike ku kupepa tuluwi nu kutandika kutumikila Leza wa cumi nupya uwa umi.

Ayebulai 9:14

Endi, vino cii ica cumi, uwazi wakwe Klistu ulaomba vikulu kuluta. Mu Mupasi wape, wene waipile kuli Leza wa mpolelwa yaula ndema. Wazi ukaswefya myenzo itu kufuma ku malamulo aciwelewele pakuti twatumikila Leza.

1 Yoane 4:9

Leza watulanzile kutemwa kwakwe pakutuma Mwana wakwe wenga sile muno nsi, pakuti aliwe atupeele umi.