Yoane 6:55 - Amazwi Yakwe Leza 2013

⁵⁵ Pano umwili wane uli cakulya kwene ca cumi. Uwazi wane nao uli cakumwa kwene ca cumi.

Yoane 6:55 ပူးပေါင်းရင်းမြစ်များ

Masamu 4:7

We Yawe, wazanzya umwenzo wane, ukuluta na pali yano yakwatisya ingano na waini umupya.

Yoane 1:47

Lino Yesu walola Natanaeli akwiza kunoli, avwanga pamulandu wakwe ati, “Lolini wii ali mwina Izlaeli wa cumi, nupya munoli musi usomvi.”

Yoane 1:9

luswepo lwa cumi lukakozya muno nsi pa antu onsi.

Yoane 15:1

“Nene mutingi wa cumi na Tata ali mulimi.

Yoane 6:32

Yesu ayanena ati, “Cumi namunena vino asi Mose uwamupile cakulya kufuma kwiyulu, lelo Tata aliwe akamupeela cakulya ca cumi kufuma kwiyulu.

Yoane 6:54

Wino wensi akulya mwili wane nu kumwa wazi wane wene ali nu umi wape, nga nani ndaleka azyukuke aye nu umi pa wanda wampelelekezyo.

Yoane 6:56

Wino wensi akulya umwili wane nu kumwa uwazi wane wene akaikala munondi, nga nani nkaikala munoli.

Yoane 8:31

Caleka Yesu anena yao amutaile ati, “Ndi mukuyela mazwi yane, mu cumi ale mwemwe alondezi yane.

Yoane 8:36

Caleka Mwana ndi wamukulula, mu cumi mulaya antungwa.

Ayebulai 8:2

Wene ali Simapepo Mukulu wino akatumikila mukasi mu Ncende ya Muzilo kuluta. Kuli kuti mwi tenti lya cumi lino limikwa nu Mwene, asi muntu foo.

1 Yoane 5:20

Twamanya ukuti Mwana wakwe Leza wiza nupya uwalenga kuti tumanye Leza wa cumi. Swemo tukaikala muli Leza wa cumi, na muli Yesu Klistu Mwana wakwe. Wene ali Leza wa cumi nupya aliwe akatupeela umi wape.