Yoane 6:54 - Amazwi Yakwe Leza 2013

⁵⁴ Wino wensi akulya mwili wane nu kumwa wazi wane wene ali nu umi wape, nga nani ndaleka azyukuke aye nu umi pa wanda wampelelekezyo.

Yoane 6:54 ပူးပေါင်းရင်းမြစ်များ

Masamu 22:26

Apina yalalya pano yatemilwe aeneco, na yano yakalonda Yawe nayo yalamulumbanya. Si angala yaye nu longo amanda pe!

Yoane 4:14

Wino wensi alamwa manzi yano nemo ndamupeela wene ataluvwa lusala nupya. Manzi yano ndamupeela yene yalaya wa kafukoka ka manzi munoli, yano akapeela umi wape.”

Yoane 6:27

Mutaombela cakulya cino cikalowa, lelo mwaombela cakulya cino cikaikalilila manda pe nupya cikapela umi wape. Cii cili cakulya cino Mwana wa Muntu alamupeela, pano Leza Tata wamupeela insambu yakucita vivyo.”

Yoane 6:47

Cumi, namunena nati, wino uwataila munondi wene ali nu umi wape.

Yoane 6:55

Pano umwili wane uli cakulya kwene ca cumi. Uwazi wane nao uli cakumwa kwene ca cumi.

Yoane 6:63

Mupasi wakwe Leza aliwe akapeela umi. Amaka ya muntu yatangapeela umi. Amazwi yano namunena yene akapeela Mupasi wakwe Leza nu umi.

Galatiya 2:20

Nemo nafwa, lelo Klistu akaikala munondi. Umi uno ndakai ndi nao, nkaikala pakutaila mu Mwana wakwe Leza, wino uwantemilwe nga nu kupeela umi wakwe pamulandu wane