Yoane 6:37 - Amazwi Yakwe Leza 2013

³⁷ Onsi yano Tata wampeela yaliza kunondi, na wino wensi uwiza kunondi ntalamuzinga.

Yoane 6:37 ပူးပေါင်းရင်းမြစ်များ

Masamu 102:17

Lyene alauvwa ni ipepo lya antu yano watazile atazyela, alata nu kusuula ukupapata kwao.

Masamu 110:3

Antu yako yalaipelesya, apa wanda uno wemo ulalwisya anisi yako. Ucindami wa wene, waukwasile lilya kwene lino wavilwe ala watuyemviwa nu kuyemviwa. Ali cino fwandi wemo, ukutandikila sile uku unya wako, waya nu wene wa pa mwamba wamuzilo.

Ezaya 41:9

Anene namufumizye ku mpela yansi nu kumwama kuti mungafuma kuku uku mpela ya nsi, ukutali sana. Ali pakumunena inti, Mwemo mwemwe aomvi yane. Anene namusolwile nu kumutazyela ntalamutazyela foo.”

Ezaya 42:3

Wene atalavuna itete lifwampe, atalazimya inyali ikuzimantukila, kufika lino alalenga kuti uwololoke ucimvye.

Ezaya 55:7

Umwipe ate imisango yakwe, ni ntalanganyi nayo amapange yakweyo. Kayale sile yasenukile kuli Yawe, ukuti ayelele uluse, kuti Leza witu nawe alayelela cuze.

Mateo 11:28

“Izini kunondi, mwensi mwe yatonte nupya anyomelwa, nani namamupeela upuzo.

Mateo 24:24

Pano antu aufi yalaloleka, yano alailanda ukuti yene ali Klistu kwene, nupya ali yakasema. Yalacita vilangililo vikulu ni vizungusyo kuti yaponzye na asololwe kwene ndi cingaya.

Yoane 17:11

Ndakai nkwiza kunuli. Ntacili mu nsi, lelo yene yacili mu nsi. Tata Wamuzilo! Yasunge kupitila mu maka yako yano wampile, kuti yaye wenga ndi vino wewe nani twaya wenga.

Yoane 17:2

Pano wemo wamupile maka pa antu onsi, kuti angapeela umi wa pee kuli yonsi yano wamupile.

Yoane 17:24

“Tata! Wayampela, nga nani nkasi kuti yaye nani kunondi, kuti yangalola lulumbi lwane luno wampile. Pano wemo wantemilwe lino insi itali icitwe.

Yoane 17:6

“Nati ndenga kuti antu yano wampile kufuma mu nsi yakumanye. Yene yali akwako, nga nawe wayampile. Yene yakayela mazwi yako,

Yoane 6:39

Na kuu kuli kulonda kwakwe wino uwantuma, ukuti ntakaponzye nanti wenga pali yonsi yano wampela. Lelo ukuti nkaleke yonsi yakazyukuke yaye nu umi pa wanda wampelelekezyo.

Yoane 6:65

Nupya Yesu ayanena ati, “Uu, uli mulandu kwene uno nali namunena vino kusi umwi angiza kunondi, suka sile Tata ndi waleka kuti alonde kwiza kunondi.”

Yoane 9:34

Nao yamunena yati, “We muno wavyalwa nu kukula mu maifyo, uzye ukwelenganya vino ungasambilizya sweswe?” Alino yamuzinga mu ng'anda ya mapepo.

Loma 5:20

Masunde yapilwe pakuti antu yalole kuvula kwa maifyo. Lelo kuno maifyo yavula, cikuku cakwe Leza cavulilako kuluta.

Filipi 1:29

nupya wene wamupeela isyuko lya kutumikila Klistu asi kukwata sile utailo munoli, lelo nu kumuculila.

1 Timoti 1:16

Lelo Leza wali na mizu kunondi pakuti Klistu Yesu alange kuteeka mwenzo kunondi ne kaifya uwaluta onsi, nupya ciye icilangililo kuli yao onsi, yano alataila munoli nu kupokelela umi wape.

2 Timoti 2:19

Lelo mufula ukome uno Leza wika wene utangatensiwa. Nupya pa mufula kwene uwo palembwa mazwi yano yakati, “Mwene wamanya antu yakwe” nupya yakati, “Wino wensi akaitaka ukuti wene umuntu wa Mwene alinzile kuzenzuka ku kuluvyanya konsi.”

Ayebulai 4:15

Simapepo witu Mukulu asi umwi wino atange atuvwile luse pa utonte witu. Tukweti Simapepo Mukulu wino weziwe mu misango yonsi ndi vino naswe tukaeziwa, lelo wene atifizye.

Ayebulai 7:25

Acino na ndakai kwene wene akweti maka akutuula yao akaiza kuli Leza kupitila munoli. Pano wene uwa umi manda pe pa kuyapapatilako kuli Leza.

1 Yoane 2:19

Cumi kwene antu yaa yatali mu utandano naswe. Uli mulandu uno yatusile. Ndi yali mu utandano naswe yene yange yaye pamwi naswe. Lelo yene yatusile pakuti cimanyike ukuti munoyali pasi nanti wenga wino mu cumi ali mu utandano naswe.

Umbwilo 22:17

Mupasi Wamuzilo pamwi na Nawinga yakuti, “Iza!” Na wino wensi akuuvwa vii alinzile alande ati, “Iza!” Wino wensi ali nu lusala, aiize. Wino wensi akulonda manzi yano yakapela umi, yene yamapelwa kunoli uwila.