Yoane 6:30 - Amazwi Yakwe Leza 2013

³⁰ Nao yamuzya yati, “Uzye cilangililo cii cino umacita kuti tulole nga tukutaile? Uzye icani cino umacita?

Yoane 6:30 ပူးပေါင်းရင်းမြစ်များ

1 Yamwene 13:3

Pa nsita kwene iyo kasema wakwe Leza apeela ni cimanyililo ati, “Mulolekesye kavuwa kaa, kamalepuka ni itwi lino lili penepo limasansantika.”

1 Yamwene 13:5

Kavuwa nako pali pakulepuka, ni itwi ilisasantika uku kavuwa api zwi lyakwe Yawe wakwe vivi kwene muno kasema wakwe Leza wapelile icimanyililo.

Kufuma 4:8

Yawe avwanga ati, “Ndi yatalakutaila nanti kusininkizya pa cizungusyo cankolelo ukuti nene nakutuma, lyene cizungusyo cii cene cilasininkizya kunoyali.

Kufuma 7:9

“Lino Falao aluzya wewe na Aaloni kuti mucite vizungusyo vya kusininkizya ukuti Leza winu watamutuma, lyene wewe Mose ulinzile ukupeela ilamulo kuli Aaloni kuti asumbe intuwa yakwe pansi ino akapitila, ku nkolelo yakwe Falao. Intuwa iyo ilasanguka iye inzoka.”

Ezaya 5:19

Apali ponga na yayo atemwa ukuvwanga yati, “Si Leza ale acincile ale, apitisye ukucita vino akalonda ukucita, uleke tumulozye. Leza wamuzilo uwa ina Izlaeli si alukucita vino wapanga ukucita! Katulole ivyaya mu mano yakwe.”

Mako 15:32

Lekini Katuula uwalavilwe, mwene wa Izlaeli, aike pa lupanda kuti tulole nu kutaila.” Alino na yano atanyilwe pamwi nawe, nao kwene yamusoweka.

Mako 8:11

Afaliseo yamwi iiza kuli Yesu yatandika kupazyanya nawe. Yalondanga kumwezya mu mazwi, caleka yamuzya kuti acite cilangililo ca cinjelengwe cakusininkizya vino wene watumwa na Leza.

Yoane 10:38

Lelo ndi nkuvicita, nanti mutantaile, mulinzile kutaila nanti vicitwa vyane, kuti mumanyile limwi vino Tata nani twaya wenga.”

Yoane 12:37

Nanti angala Yesu wacisile vilangililo vii vyonsi pa manso ya Ayuda, yene yatamutaile.

Yoane 2:18

Lyene Ayuda yamunena yati, “Uzye cilangililo cii cino ungacita pakuti tumanye vino ukweti nsambu yakucita vii?”

Yoane 4:8

Alondezi yakwe yene ala yati yaya ku muzi kukukala vyakulya.

Yoane 6:14

Caleka lino antu yalola cilangililo cino Yesu wacita yavwanga yati, “Cumi wii ali kasema wino malembelo yakati ali nu kwiza!”

Yoane 6:2

Alino iumba likulu limulondela, pano lyaweni vilangililo vino wacisile pa kupozya yao ali alwale.

Yoane 6:36

Namunena vino ukundola kwene mwandola lelo mutantaila.

Milimo 4:30

Ololola ikasa lyako nu kupozya alwale, zumilizya kuti vizungusyo ni vinjelengwe vyacitika kupitila mwi zina lya muomvi wako Yesu uwamuzilo.”

1 Kolinto 1:22

Ayuda yakalonda vinjelengwe pakuti yasininkizye, nga Agiliki nao yakalonda mano.

Ayebulai 2:4

Leza walunzileko umboni wakwe pakucita vinjelengwe ni vizungusyo vya misango yonsi nu kupeela mawila ya Mupasi kulingana nu kulonda kwakwe.