Yoane 6:29 - Amazwi Yakwe Leza 2013

²⁹ Yesu nawe aasuka ati, “Cino Leza akulonda kuti mucite, ukutaila muli wino watuma.”

Yoane 6:29 ပူးပေါင်းရင်းမြစ်များ

Masamu 2:12

Pano wene ndi wasoka angamulovya, pano icipyu cakwe cikaaka zuwa. Alongo ayayo akazina kunoli.

Mateo 17:5

Lino acili akuvwanga, ikumbi liyengese cuze liyavimba, ni izwi lyuvwika kufuma mwi kumbi liti, “Wii, Mwanane mukundwe. Munoli nkuzanga cuze. Mwamuvwa.”

Mako 16:16

Wino wensi alataila nu kuwatiziwa, wene alatuulwa. Lelo wino wensi atalataila alavunukwa ku mfwa.

Yoane 3:36

Wino wensi akataila Mwana wene ali nu umi wape. Lelo wino wensi asyayela Mwana wene atalaya nu umi. Ukali wakwe Leza ulaya panoli.

Yoane 5:39

Mwemo mukalondelezya nu kusambilila mu malembelo, pano mukaelenganya vino mulazanamo umi wape. Malembelo kwene yaa yakapela umboni pamulandu wane.

Yoane 6:28

Nao yamuzya yati, “Uzye lyene tulinzile kucita cani kuti tucite vino Leza akalonda?”

Yoane 6:38

Pano nika kufuma kwiyulu asi kwiza cita kulonda kwane, lelo kulonda kwakwe wino uwantuma.

Yoane 6:57

Tata wino akapeela umi uwantuma, nga nani indi nu umi pamulandu wakwe. Mu musango uli onga kwene wino wensi akulya umwili wane alaya nu umi pamulandu wane.

Milimo 16:31

Nao yaasuka yati, “Taila mu Mwene Yesu, alino ulatuulwa, wewe na amu ng'anda yako.”

1 Tesalonika 1:3

Pano tukaiusya kunena Leza Tata pa utailo winu nu mulimo uwa kutemwa nga na pa upaalilo winu ukome mu Mwene Yesu Klistu.

Ayebulai 5:9

Na lino wacisilwe umufumaluke, wizile aya intulo ya ufyusi wa manda pe kuli yonsi akamuyela.

Yakobo 2:22

Uzye mutakulola? Utailo wakwe waomvile pamwi ni milimo yakwe. Utailo wakwe wasininkiziwe kuya ufumaluke kupitila mu milimo yakwe.

1 Yoane 3:23

Ilamulo lino watupeela ilyakuti tutaile mu Mwana wakwe Yesu Klistu nga nu kutemwana ndi vino Klistu watupile ilamulo.

1 Yoane 5:1

Wino wensi uwataila ukuti Yesu a Katuula Uwalavilwe wene umwana wakwe Leza. Na wino wensi uwatemwa mukwasi wene watemwa nu Mwana kwene.

Umbwilo 2:26

Yao alacimvya, nu kutwalilila kucita vino nkalonda kufika nu ku mpelelekezyo, ndayapeela utesi pa nko zyonsi uno Tata wampela.