Yoane 6:28 - Amazwi Yakwe Leza 2013

²⁸ Nao yamuzya yati, “Uzye lyene tulinzile kucita cani kuti tucite vino Leza akalonda?”

Yoane 6:28 ပူးပေါင်းရင်းမြစ်များ

Yelemiya 42:20

Namunena nati ndi cakuti mwala mwaluvyanya, ale mwailetelela, mwasumba sile umi winu. Alino nukuya, amwemwe mwantumile kuli Yawe Leza winu kuti inje mupapatile kunoli nu kuti ince munene na consi cino alavwanga, nga nu kuti muce mucicite.

Mateo 19:16

Muntu umwi mulumendo aiiza kuli Yesu amuuzya ati, “Kasambilizya, uzye cisuma icani cino ndinzile kucita kuti mpokelele umi wape?”

Luka 10:25

Lyene umuntu umwi uwali nkonkotela ya Masunde akatuka kuti aezye Yesu. Amuuzya ati, “Kasambilizya, Uzye ncite uli pakuti mpokelele umi wape?”

Yoane 6:27

Mutaombela cakulya cino cikalowa, lelo mwaombela cakulya cino cikaikalilila manda pe nupya cikapela umi wape. Cii cili cakulya cino Mwana wa Muntu alamupeela, pano Leza Tata wamupeela insambu yakucita vivyo.”

Yoane 6:29

Yesu nawe aasuka ati, “Cino Leza akulonda kuti mucite, ukutaila muli wino watuma.”

Milimo 16:30

Lyene pa cisila ca kuyafumya panzi, ayauzya ati, “Yasambazi, uzye ncite uli kuti ntuulwe?”

Milimo 2:37

Lino antu yuvwa cii, yasakamala cuze, nga yavwanga kuli Petulo na atumwa yauze, yati, “Mwe ina itu uzye tumacita uli?”

Milimo 9:6

Lelo katuka ingila mu musumba, amuno umanenwa cino ulinzile kucita.”

Malango 5:27

Wewe kwene Mose, swilila ukauvwa vyonsi vino Yawe Leza witu akulanda. Alino lyene wize utunene vyonsi vino amakunena. Naswe twiza kuvwa nu kuyela.’