Yoane 6:15 - Amazwi Yakwe Leza 2013

¹⁵ Lino Yesu wamanya vino yakulonda kumupatikizya kuya Mwene, afumapo aya ku mwamba kuko kuno wali wenga.

Yoane 6:15 ပူးပေါင်းရင်းမြစ်များ

Mateo 5:1

Lino Yesu walola maumba, akwela pa mwamba, nga lino wikala pansi alondezi yakwe yapalama kunoli.

Mako 11:9

Antu ali nkolelo nga na alondelile cisila yonsi pamwi yasanzika mazwi yao yati, “Mucinzi upelwe kuli Leza! Walongo awiyo akwiza mwi zina lya Mwene!

Luka 19:38

ala likuti, “Walongo a kateeka akwiza mwi zina lya Mwene! Mutende uye mwiyulu, nu lulumbi kuli Leza mwiyulu papelapela!”

Yoane 18:36

Yesu avwanga ati, “Uwene wane usi uwa muno nsi! Ndi uwene wane uya uwa muno nsi, lyene alondezi yane nga yakulwisya kuti ntapelwa ku ntunguluzi zya Ciyuda. Awe, uwene wane usi uwa muno nsi.”

Yoane 5:41

“Nemo nsikulonda kulumbanyiwa na antu.

Yoane 6:22

Pa wanda uwalondelela, iumba ilyali ku ufumondaka wakwe yemba, limanya vino papa pali sile uwato onga. Nupya lyamanyile vino Yesu atapatimemo nu kupita pamwi na alondezi yakwe. Lelo yene yapisile yamusya.

Yoane 6:3

Lyene Yesu akwela pa mwamba, nga aikala pansi pali pamwi na alondezi yakwe.

Ayebulai 4:13

Kusi cimwi cingafisama ku manso yakwe Leza. Vintu vyonsi mu uumbo onsi vili paswe nupya wene akavilola. Swensi kwene tulinzile kuilondolwela kunoli.