Yoane 6:11 - Amazwi Yakwe Leza 2013

¹¹ Yesu atoola mikate ataizya kuli Leza, nga aankanya antu yano atenzi penepo. Mu musango uli onga atoola inswi ataizya kuli Leza, nga aankanya antu suka vikumana mu antu yonsi kulingana na vino yalondanga.

Yoane 6:11 ပူးပေါင်းရင်းမြစ်များ

Mateo 15:36

Lyene atoola mikate cinimbali nu tuswi, nga pacisila ca kutaizya kuli Leza, aimokoola, apeela alondezi yakwe, nao yapela kwi iumba.

Luka 24:30

Lyene lino watenzi nao pa cakulya, atoola mukate, ataizya, aumokoola, alino aupela kunoyali.

Yoane 21:10

Alino Yesu ayanena ati, “Letini inswi zimwi zino mwati muma.”

Yoane 21:13

Yesu apalama atoola umukate nga aupela kunoyali. Alino atoola inswi acita cili conga kwene.

Yoane 21:9

Lino yakookela ku nkumba yakwe yemba nu kupatuka mu wato, iyalola kweneko moto wa malasya ni nswi penepo, nga yalola ni mikate.

Yoane 6:23

Alino amato na yauze, yao afumile ku Tibelyasi, yasuka iiza. Pali pipi na pa ncende pano Mwene wataizye kuli Leza pa mukate nu kupeela iumba kuti lilye.

Yoane 6:9

“Kuno kuli umulumendo wino akweti mikate isano, ino yapangwa kufuma ku ngano, nga ni nswi ziili. Lelo vii vitangakumana mu antu yaa aingi.”

Milimo 27:35

Pacisila cakuvwanga cii, Paulo atoola mukate, ataizya kuli Leza pa manso yao, aumokoola, nga atandika ukulya.

Loma 14:6

Wino wensi akacindikisya uwanda umwi, wene akacita cii mu kucindikilamo Mwene. Na wino wensi akalya cilyo cili consi wene akacita cii mukucindikilamo Mwene, pano akataizya Leza pa cilyo. Na wino wensi akakana kulya vintu vimwi, wene akacita cii mukucindikilamo Mwene nga nu kutaizya Leza.

1 Kolinto 10:31

Endi, consi cino mukucita, cingaya ukulya nanti kumwa, mucicite ku lulumbi lwakwe Leza.

1 Tesalonika 5:18

nupya mwataizya Leza muli vyonsi. Vii avino Leza akalonda kuti mwacita mu umi winu muli Klistu Yesu.

1 Samueli 9:13

Lino mumaingila mu musumba mumamuzana ale atacili aye pa kavuwa pa mwamba ku kulya. Antu yatangatandika ukulya lino wene atacili waya kweneko, pano wene alinzile apolelele impolelwa lino yao amilwe yatali yalye. Fwandi pitini mutumbele umwamba, nga mumaya mukamuzane likwene.”