Yoane 5:6 - Amazwi Yakwe Leza 2013

⁶ Yesu nawe amulola alambalile papa, nupya wamanyile vino umuntu wii walwile pa nsita ntali. Caleka amunena ati, “Uzye ungatemwa kuti upole?”

Yoane 5:6 ပူးပေါင်းရင်းမြစ်များ

Masamu 142:3

Umwenzo wane usi na maka, lelo wemo wamanya vino ningacita. Umu nzila yane yanteya ulukose.

Ezaya 65:1

Yawe nawe aasuka ati, “Nemo nali umuiteyanye ukuvwa ukupapata kwa antu, lelo yatapefile umucumi. Nali umwi uwalondesyanga ukuti yangandondela, lelo yene kutali nanti uwakwezya nanti panono. Antu amutundu yasindonda foo, nanti angala nemo nali umuiteyanye ukuyaasuka inti, ‘Apano ndi namamwazwa.’”

Yelemiya 13:27

Wene wailolela kuno mukucita ivintu vino wapata. Umu myamba nu mu vyalo ali muno mukalondelela utuluwi, tuleza twa inamasi, ndi vino umonsi akacita wino akukumbwa umuci wa muze, ndi vino mfwalasi yakalume ikacita apakukokomela iya kaci. Kalanda kuno muli mwe ina Yelusalemu! Uzye alilaci lino mulakondolwa?

Luka 18:41

“Uzye ukulonda kuti nkucitile cani?” Nayo imwasuka iti, “Mwene, nkulonda kuti nalola.”

Yoane 21:17

Yesu amuuzya iila lyakwe citatu ati, “We Simoni mwana wakwe Yoane, uzye wantemwa?” Petulo auvwa ulanda pano Yesu wamuzya iila lyakwe citatu ati, “Uzye wantemwa?” Alino Petulo amunena ati, “Mwene wamanya vintu vyonsi. Wamanya vino nakutemwa!” Alino Yesu amunena ati, “Uwalisya mfwele zyane.

Yoane 5:5

Lyene pakasi kao pali umuntu wino walwile pa myaka makumi yatatu na cinani.

Yoane 5:7

Mulwale nawe aasuka ati, “Mwene, ntakweti umuntu wakunjingizya mu ciziya lino manzi yavundolwa. Lino nkwezya kwingilamo, muze ankolelela.”

Ayebulai 4:13

Kusi cimwi cingafisama ku manso yakwe Leza. Vintu vyonsi mu uumbo onsi vili paswe nupya wene akavilola. Swensi kwene tulinzile kuilondolwela kunoli.

Ayebulai 4:15

Simapepo witu Mukulu asi umwi wino atange atuvwile luse pa utonte witu. Tukweti Simapepo Mukulu wino weziwe mu misango yonsi ndi vino naswe tukaeziwa, lelo wene atifizye.