Yoane 5:4 - Amazwi Yakwe Leza 2013

⁴ Pano mu tusita tumwi tumwi mungeli wa Mwene wikilanga mu ciziya ku kuvundola manzi. Lyene umulwale wino wakolela kwingilamo lino manzi yavundolwa, wene apoziwa ku ndwala yonsi ino wali nayo.]

Yoane 5:4 ပူးပေါင်းရင်းမြစ်များ

2 Yamwene 5:10

Alino Elisya atuma inkombe yakwe ku kuyanena Naamani iti, “Yanga ukowe amaila cinimbali mu luzi lwa Yodani, alino umapola, uswefiwe.”

Masamu 119:60

Ukwaula nu kuzingota, nakalauka ukulondela amalamulo yako.

Mapinda 6:4

Utaleka amanso yako yuvwe utulo, nanti ivipa vyako vizyate.

Mapinda 8:17

Natemwa yayo antemwa, na wiyo uwacincila ukundonda akanzana.

Kasambilizya 9:10

Uwaombesya muli vyonsi vino ukucita, pano kuzimo kutalaya vicitwa, kutalaya amelenganyo, kutalaya kumanya, kutalaya amano, nga kuko akuno ukuya.

Ezekelo 47:8

Anena ati, “Amanzi yaa yaya ku mpanga yaku ufumondaka, yatentemukila ku Alaba, nu kuyaingila kuli yemba. Na pakuponela muli yemba yamusangula amanzi asuma.

Oseya 13:13

Wene akunyunguluka wa mwanaci wino ali pipi nu kulela. Izlaeli wapelwa insita nayuze yakuya umumi. Lelo wene iciwelewele sana, cakuti aposiwa nu kumanya cico, wa mwana akanya akali pipi nu kuloleka. Lelo lino insita yakako yakuvyalwa yapalama, kene katakasi ukufuma mu ndilwa.

Zakaliya 13:1

Yawe Wamaka yonsi wavwanga wati, “Lino insita iya ilafika, intulo yonga ilapongwela amanzi, yano ana yakwe Davidi na ina Yelusalemu yalafulala ku ukowezi wao.

Zakaliya 14:8

Wanda ulya ndi waca wafika mu musumba wa Yelusalemu mulafuma amanzi ya umi, yamwi yalaya kuli Yemba Mufwe, yauze nayo yalaya ku uwondaka kuli Yemba wa Adiliya. Amanzi yayo yalapita ukuzinguluka umwaka onsi.

Mateo 11:12

Kufuma mu manda yakwe Yoane Kawatizya kufika na ndakai, antu yakalwisyanya nu Wene wa mwiyulu, na antu ya maka alio yakuupoka.

Mateo 6:33

Mu cifulo cakwe cii mutale mulonde Uwene wakwe Leza nga nu wololoke wakwe, nga nawe alamupeela vintu vii vyonsi.

Luka 13:24

“Lwisini kwingilila pa mulyango ufyenkane. Pano namunena vino antu aingi yalalonda kwingila, lelo yalaposiwa.

Luka 16:16

“Ivyalembwa mu mpapulo zyakwe Mose na zyakwe yakasema vyakosozilwe kufika mu manda yakwe Yoane Kawatizya. Kufuma papo kwene Ilandwe Lisuma lya Wene wakwe Leza likukosolwa, na wensi akwezya na maka kwingilamo.

Yoane 5:3

Mu nkungu mwalalanga alwale aingi, ni mpafu, yakasinta, ni vilema vya misango na misango, nga ni vite. [Yene yalolelanga kuvundolwa kwa manzi,

Yoane 5:5

Lyene pakasi kao pali umuntu wino walwile pa myaka makumi yatatu na cinani.

Yoane 5:7

Mulwale nawe aasuka ati, “Mwene, ntakweti umuntu wakunjingizya mu ciziya lino manzi yavundolwa. Lino nkwezya kwingilamo, muze ankolelela.”

1 Kolinto 6:11

Yamwi munomuli mwali wakwe yaa. Lelo mwaswefiwa kufuma ku maifyo, nupya mwaipelesya kuli Leza mu, Mwene Yesu Klistu na Mupasi Wamuzilo, anga lyene mwaya aololoke pa manso yakwe Leza.

1 Yoane 1:7

Lelo ndi tukwikala mu luswepo ndi vino wene ali mu luswepo, ale lyene tuli mu utandano pakasi kitu. Nu wazi wakwe Klistu mwana wakwe ulatuswefya kufuma ku maifyo onsi.