Yoane 5:3 - Amazwi Yakwe Leza 2013

³ Mu nkungu mwalalanga alwale aingi, ni mpafu, yakasinta, ni vilema vya misango na misango, nga ni vite. [Yene yalolelanga kuvundolwa kwa manzi,

Yoane 5:3 ပူးပေါင်းရင်းမြစ်များ

1 Yamwene 13:4

Lino umwene Yeloboamu uvwa vivyo vino kasema wakwe Yawe akupundilila kavuwa kaku Betele, afumya ikasa lyakwe pa kavuwa nga alikonzolola, nga avwanga ati, “Mulemini!” Lelo papo kwene ikasa lino umwene wasontela umuntu ilyuma, cakuti aposiwa nu kuliwezya.

Mapinda 8:34

Walongo umuntu akanguvwa, wiyo akaikala manda pe pa mulyango wa ng'anda yane, wiyo akalolela apa wingililo wane.

Nyimbo zya ndosya 3:26

Fwandi cazipa wakwe cimwi ukuteeka imyenzo lino tukulolela, lilyo lino tukulolela kuti Yawe aliwe atutuule.

Zakaliya 11:17

Kalanda kuli kacema wii ciwelewele ca muntu! Wene watatazyela imfwele! Maka yakwe yalasilila umu nkondo. Ikasa lyakwe liluuma liye na ndi, na manso yakwe yalapafula!”

Mateo 15:30

Lyene maumba akulu cuze iiza kunoli, ala yasenzile vilema, impafu, vite, yaciulu nga nayauze aingi a ndema zipusanepusane. Alino yayateka inkolelo yakwe Yesu, nawe ayapozya.

Mateo 4:24

Ni landwe lya pali aliwe lisalangana mu mpanga yonsi ya Silya na antu yamuletela alwale alwile ndwala zya misango yonsi nga na yao ali ni mipasi yankota na yao ali ni vifumfumi, pamwi ni vite, nga ayapozya.

Luka 7:22

Lyene anena nkombe zyakwe Yoane ati, “Pitini, mukanene Yoane vintu vino mwati mulola nu kuuvwa. Mumunene muti mpafu zikulola, vilema vikupita, yakwe tembwe yakupoziwa, yacipuuli yakuuvwa. Afwe yakututululwa, ni Landwe Lisuma likukosolwa ku apina.

Yoane 5:2

Mu Yelusalemu, pipi ni mpongolo yamwangwa Mpongolo ya Mfwele, mwali ciziya cino mu cilimi ca Ciyuda camwangwa Betisaida, cino cazingulwikwe ni nkungu zisano.

Yoane 5:4

Pano mu tusita tumwi tumwi mungeli wa Mwene wikilanga mu ciziya ku kuvundola manzi. Lyene umulwale wino wakolela kwingilamo lino manzi yavundolwa, wene apoziwa ku ndwala yonsi ino wali nayo.]

Loma 8:25

Lelo ndi tukupaalila cino tusikulola, ale tukulolela mukuteka mwenzo.

Yakobo 5:7

Inane, lyene tekini myenzo kufika lino Umwene aliiza. Lolini vino mulimi akateeka mwenzo lino acili akulolela kuti vilimwa vya mpomvu vice mu calo cakwe. Wene akalolela nu kuteeka mwenzo kuti vipokelele mvula ya pa miundo ni yamu koolo.