Yoane 5:26 - Amazwi Yakwe Leza 2013

²⁶ Vino Tata ali ntulo ya umi, avino walenga nu Mwana kwene kuti aye intulo ya umi.

Yoane 5:26 ပူးပေါင်းရင်းမြစ်များ

Masamu 36:9

Umucumi intendekelo ya umi yaya kunuli, tukalola nu luswepo ndi cakuti watukozezya.

Masamu 90:2

Lino imyamba itacili ipangwe ni nsi yonsi itacili iyeko, wemo we Leza akuno wali, nupya ulayelelela.

Kufuma 3:14

Leza anena Mose ati, “Naya vino naya. Ulinzile ukuyanena uti, ‘Wino akaamwa ukuti Naya vino naya, uwatantuma kunomuli.’ ”

Yelemiya 10:10

Lelo wemo Yawe, wewe uli Leza wacumi. Wewe uli Leza waumi, nupya Mwene wa pee. Lino wasoka, insi ikatenta. Antu amu nko zyuze yatangazizimizya ukali wako.

Yoane 1:4

Wene wali intulo ya umi, nupya umi wakwe wapile luswepo ku antu onsi.

Yoane 10:18

Pasi umwi angankoma suka naleka kuti acite cico. Nene indi ni nsambu yakuleka kuti nkomwe nga nupya ningakatuka nje umumi. Ilamulo lii nafumya kuli Tata.”

Yoane 11:25

Yesu ati, “Nene kuzyukuka nu umi. Wino wensi wantaila nanti angafwa alaya nu umi nupya.

Yoane 11:26

Na wino wensi ali nu umi, ndi wantaila, wene atalafwa. Uzye wataila cii?”

Yoane 14:19

Pa kasita kanono antu amu nsi yatalandola, lelo mwemo mulandola. Ndi vino nemo ndi nu umi, namwe kwene mulaya nu umi.

Yoane 14:6

Yesu amwaasuka ati, “Nene ndi nzila, ni cumi, nu umi. Pasi umwi angiza kuli Tata suka wizila muli nene.

Yoane 4:10

Yesu nawe amwaasuka ati, “Ndi wamanyile uwila wakwe Leza, na wino akukulenga manzi ya kumwa, nawe wange umulenge, nga wene wange akupeele manzi akapeela umi.”

Yoane 6:57

Tata wino akapeela umi uwantuma, nga nani indi nu umi pamulandu wakwe. Mu musango uli onga kwene wino wensi akulya umwili wane alaya nu umi pamulandu wane.

Yoane 8:51

Cumi namunena nati, wino wensi akayela mazwi yane wene atalafwa.”

Milimo 17:25

“Nupya asilonda cimwi cino tungaleta kunoli apakumuombela, pano umwisikulu akapeela umi nu muza ni vintu vyonsi kuli onsi.

1 Kolinto 15:45

Pano calembwa mu malembelo cati, “Muntu wakutandika, Adamu, waumvilwe aya ciumbwa ca umi.” Lelo Yesu wino ali Adamu wakusyalikizya, wene ali Mupasi wino akapeela umi.

1 Timoti 1:17

Ndakai ku Mwene wape, wino asyafwa, asyaloleka, Leza wenga sile, kuye lulumbi nu ukulu, manda pe, Ameni.

1 Timoti 6:16

Aliwe wenga sile asyafwa. Wene akaikala mu luswepo luno kusi nanti umwi angapalamako. Kusi nanti umwi uwatala walola Leza. Kusi nanti umwi angamulola. Kunoli kupelwe mucinzi nu utesi wape! Ameni.

Ayebulai 1:2

Lelo mu manda yaa akusyalikizya wene wavwanga kunotuli mu Mwana wakwe. Muli wikwene amuno Leza waumvile uumbo onsi, nupya wene wamusolwile kuti aye umweneco wa vintu vyonsi.

Umbwilo 21:6

Lyene avwanga ati, “Cati cicitwa! Nene Alufa na Omega, kuli kuti uwakutandika nu wakusyalikizya. Wensi ali nu lusala ndamupeela nsambu ya kumwa uwila mu kafukoka ka manzi yano akapeela umi.

Umbwilo 22:1

5Lyene mungeli andanga luzi lwa manzi yano akapeela umi, luyengese wakwe Kulustele, luno lwafuma mu cilimba ca wene cakwe Leza nupya ca Mwana wa Mfwele.

Umbwilo 22:17

Mupasi Wamuzilo pamwi na Nawinga yakuti, “Iza!” Na wino wensi akuuvwa vii alinzile alande ati, “Iza!” Wino wensi ali nu lusala, aiize. Wino wensi akulonda manzi yano yakapela umi, yene yamapelwa kunoli uwila.

Umbwilo 7:17

pano Mwana wa mfwele, wino ali pakasi ka cilimba ca wene alaya ali kacema wao. Wene alayatungulula ku tufukoka twa manzi yano akapeela umi. Leza nawe alayakumbula minsozi yonsi.”