Yoane 5:22 - Amazwi Yakwe Leza 2013

²² Pano Tata asyapingula umuntu ali wensi. Lelo wapela Mwana insambu yonsi yakupingula,

Yoane 5:22 ပူးပေါင်းရင်းမြစ်များ

Masamu 96:13

apa manso yakwe Yawe, pano wene wataiza uku kupingwila insi yonsi. Wene alapingula insi yonsi umu ololoke, nga na antu amitundu yonsi mu cisinka.

Masamu 98:9

apa manso yakwe Yawe, pano wataiza uku kulolwesya insi. Alapingwila insi pano yapelela umu kulungika, nga ni mitundu yonsi nayo umu ulungi wakwe.

Kasambilizya 11:9

Mwe ance, mwailyokezya mu wance winu. Mwasansamuka apa nsita ino mucili mwemwe yance. Mwacita vino imyenzo inu ikulonda na vino amanso inu yakukumbwa. Lelo mwaiusya ukuti Leza alamupingula pali vyonsi vino mukucita.

Kasambilizya 12:14

Endi, Leza alatupingula pa vintu vyonsi vino tukacita, cisi cimwi viye ivisuma nanti iviipe, nanti ivintu ivyacitwa mu nkama.

Mateo 11:27

“Tata wampeela vintu vyonsi. Pasi nanti wenga uwamanya Mwana suka sile Tata, nupya pasi nanti wenga uwamanya Tata suka sile Mwana, nga na yao yonsi yano Mwana wasola kuti amusokolole kunoyali.

Mateo 16:27

Pano Mwana wa Muntu aliiza pali pamwi na angeli yakwe mu lulumbi lwakwe Isi. Lyene alalambula nanti kuvunuka cila muntu kulingana ni vicitwa vyakwe.

Mateo 28:18

Yesu nawe ayanena ati, “Napelwa maka pa viumbwa vyonsi mwiyulu na pano nsi.

Yoane 17:2

Pano wemo wamupile maka pa antu onsi, kuti angapeela umi wa pee kuli yonsi yano wamupile.

Yoane 3:35

Isi watemwa Mwana wakwe, nupya wamupeela maka pali vyonsi.

Yoane 5:27

Isi wamupeela insambu yakupingula milandu pano wene Mwana wa Muntu.

Yoane 9:39

Yesu avwanga ati, “Nizile mu nsi ku kupingula milandu ya antu onsi, kuti yao asyalola yalole, na yao akalola nao yaye impafu.”

Milimo 10:42

Wene watupile ilamulo kuti twakosola ilandwe ku antu, nga nu kupeela umboni vino wene ali wino Leza wasonta kuya kapingula wa antu, aumi na afwe kwene.

Milimo 17:31

Pano wimika uwanda uno alapingwilapo antu yonsi amu nsi mu wololoke ukupitila muli wino wasola. Wapela icisininkizyo pali wensi pakuzyukula umuntu wilya kufuma ku afwe!”

Loma 2:16

Acino kulingana ni Landwe Lisuma lino nkakosola, avino cilaya na pa Wanda uno Leza alapingula antu kupitila muli Klistu Yesu pa vya nkama vyamu myenzo yao.

2 Kolinto 5:10

Pano swensi kwene tulimilila nkolelo yakwe Klistu, kuti atupingule. Cila muntu alapokelela viine ni milimo ino wacita muno nsi, iipe nanti isuma.

2 Timoti 4:1

Pa manso yakwe Leza nga na Klistu Yesu, wino alapingula antu aumi na afwe, nga nu kwiza ku kuteeka, nkukupeela ilamulo nu kukupapata cuze,

1 Petulo 4:5

Lelo yalalondolola kuli Leza wino waiteyanya kupingula antu aumi na afwe kwene.