Yoane 5:19 - Amazwi Yakwe Leza 2013

¹⁹ Caleka Yesu nawe anena intunguluzi zya Ciyuda ati, “Cumi, namunena vino, Mwana atangacita cimwi pa lwakwe. Wene akacita sile cino walola Isi akucita. Vino Isi akacita, avino nu Mwana kwene akacita.

Yoane 5:19 ပူးပေါင်းရင်းမြစ်များ

Utandiko 1:1

Pa kutandika Leza waumvile iyulu ni nsi.

Utandiko 1:26

Nupya Leza avwanga ati, “Katuumbe umuntu mu cata citu, aye wakwe sweswe. Wene alaangalila inswi, ni vyunyi ivikapapuka, iviteekwa ni nyama zya mpanga, nga ni vikasela vyonsi.”

Masamu 138:3

Uwanda uno nalaizye wanguvwile, wandundile na maka.

Masamu 27:14

Ali cino fwandi, mwataila muli Yawe! Mukwate upaalilo, mutezya mwatovoka foo. Ee, cacumi, mwataila muli Yawe!

Masamu 50:6

Amayulu yakalaizya ulungami wakwe Leza pano aliwe kwene, ali kapingula!

Kufuma 4:11

Yawe auzya Mose ati, “Uzye aweni akapeela umuntu mulomo? Uzye aweni akalenga kuti umuntu aye ciulu nanti cipuuli? Uzye aweni akalenga kuti umuntu alola nanti aye impafu? Uzye asi anene ne Yawe?

Mapinda 2:6

Pano Yawe aliwe akapeela amano, aliwe kwene ali ntulo ya kumanya nu kwiluka

Ezaya 44:24

“Yawe, Katuula wako, uwakupanzile umu ndilwa yakwe nyoko, wavwanga wati, ‘Nene indi Yawe, uwapanga ivintu vyonsi. Nene nakonzolwile iyulu, nalino napanzile insi, uzye kwaliko umwi uwakungazwa?

Ezaya 45:24

“Yene yalavwanga vyapali nene yati, ‘Uololoke na maka vikazanwa sile muli Yawe. Yonsi amupata yaliza kunoli nga yaluvwa insonyi.

Yelemiya 17:10

Nene ne Yawe nkaceceta umwenzo wakwe cila muntu, nu kwezya amano yakwe. Nkapeela na cila wenga ukulingana ni micitile yakwe, ukulingana ni milimo yakwe ino akacita.”

Mateo 26:39

Apita katalamukila panono, afukama pansi ainime, nga apepa ati, “Tata ndi cingaya, leka ulwako luu lwa ucuzi lusisiwe kunondi. Kusi kulonda kwane, lelo kulonda kwako kucitike.”

Luka 21:15

pano ndamupeela mazwi nga na mano kuti patakaye nanti wenga uwamu anisi inu alakana nanti kupilika vino mulavwanga.

Yoane 10:18

Pasi umwi angankoma suka naleka kuti acite cico. Nene indi ni nsambu yakuleka kuti nkomwe nga nupya ningakatuka nje umumi. Ilamulo lii nafumya kuli Tata.”

Yoane 12:49

Pano ntakuivwangila, lelo Tata uwantuma wene wampeela ilamulo muno ningavwangila na muno ningakosolela.

Yoane 12:50

Nani namanya vino ilamulo lyakwe likatungulula ku umi wa pe! Caleka vino nkukosola avino Tata wanenyile, avino nkavwanga.”

Yoane 14:10

Filipo, uzye utataile vino Tata nani twaya wenga? Mazwi yano nkamunena, insiivwangila! Lelo Tata, wino akaikala munondi, akacita milimo yakwe.

Yoane 2:19

Yesu nawe aasuka ati, “Omololini Ng'anda ii ikulu yakwe Leza, nani ndaikuula mu manda yatatu.”

Yoane 3:3

Yesu nawe amunena ati, “Cumi, nakunena vino umuntu ndi atavilwe iila lyakwe ciili atangalola Uwene wakwe Leza.”

Yoane 5:21

Pano vino Tata akatutulula afwe nu kuyapela umi, avino nu Mwana kwene akapeela wino akasi umi.

Yoane 6:38

Pano nika kufuma kwiyulu asi kwiza cita kulonda kwane, lelo kulonda kwakwe wino uwantuma.

Yoane 8:28

Caleka Yesu ayanena ati, “Alala mwatumpula Mwana wa Muntu, lyene mulamanya vino ‘Nene ali nene kwene.’ Alino mulamanya vino nsyaicitila cimwi nenga, lelo nkavwanga sile vino Tata wanena kuti mvwange.

Yoane 9:4

Lino ucili musanya, katule tuombe milimo yakwe wino uwantuma. Usiku ukwiza lino umuntu atangaomba.

Milimo 2:24

Lelo Leza wamusapwile ku kuwaika kwa mfwa, wamuzyukwile kufuma ku afwe, pano imfwa yaposiwe kumucimvya.

Loma 6:4

Caleka lino twawatiziwe, cali ungati twafwa nu kuzikwa pamwi na Klistu, pakuti, ndi vino Klistu wazyukwilwe kufuma ku afwe mu maka yalulumbi yakwe Isi, avino naswe kwene tulinzile kuya nu umi upya.

Loma 8:11

Ndi Mupasi wakwe Leza, wino uwazyukwile Yesu kufuma ku afwe, akaikala munomuli, ale Leza wino uwazyukwile Klistu kufuma ku afwe alapeela umi ku mili inu iikafwa.

1 Kolinto 15:12

Ndi cakuti tukukosola ukuti Klistu wazyukwike kufuma ku mfwa, uzye lyene yamwi munomuli yangalanda uli ukuti antu yatalazyukuka kufuma ku afwe yaye nu umi?

2 Kolinto 4:14

pano twamanya ukuti Leza wino wazyukwile Mwene Yesu, naswe kwene alatuzyukula pamwi na Yesu nu kutufisya pa manso yakwe pamwi namwe.

2 Kolinto 5:10

Pano swensi kwene tulimilila nkolelo yakwe Klistu, kuti atupingule. Cila muntu alapokelela viine ni milimo ino wacita muno nsi, iipe nanti isuma.

Efeso 2:5

cakuti lino twali afwe ku mupasi pa kuntayela wene watulenzile kuya aumi muli Klistu. Mwatuuzilwe ni cikuku cakwe Leza.

Efeso 3:16

Nkalenga ukuti Leza, kulingana nu kucindama kwa ukama wa cikuku cakwe, amukomye na Mupasi wakwe kuti muye akomeleke mu myenzo.

Filipi 3:21

Wene alasenula mili itu itonte iyakufwa kuti ikolane nu mwili wakwe uwalulumbi. Wene alacita cii pa kuomvya maka yano wakwata akucimvya vintu vyonsi.

Filipi 4:13

Klistu wampeela maka akulungatana ni miyele ili yonsi.

Kolose 1:11

Mukomeleke mu maka yonsi yakwe Leza alulumbi, pakuti muposye nu kuteeka myenzo mu vintu vyonsi. Mu nsansa

Kolose 1:16

Pano muli aliwe Leza waumvile vintu vyonsi ivya mwiyulu na pano pa nsi, ivikaloleka ni visiloleka, kwika pamwi na maka yonsi, aene, yakateeka ni ntunguluzi zyonsi. Leza waumvile uumbo onsi muli aliwe nupya vyonsi vyaumvilwe kuti viye vyakwakwe.

1 Tesalonika 4:14

Swemo twataila ukuti Yesu wafwile nga nupya wazyukwike. Caleka twataila ukuti cilaya cili cimwi kwene na kuli yao afwa nu utailo muli Yesu. Leza alayazyukula nu kayaleta pamwi na Yesu.

1 Petulo 3:18

Pano Klistu umwisikulu wafwile lyonga sile pamulandu wa maifyo itu. Wene wali uwakaele pa kufwila yakaifya, pakuti amutungulule kuli Leza. Wene wakomilwe, lelo aya nu umi ku mupasi.

Umbwilo 2:23

Nupya ndakoma ana yakwe onsi, nga lyene mauvi yonsi yalamanya ukuti nemo namanya amelenganyo nu kulonda kwa muntu wensi. Ndapela cilambu kuli cila muntu uwa munomuli kulingana ni milimo yakwe.