Yoane 4:46 - Amazwi Yakwe Leza 2013

⁴⁶ Nupya kwene aswilila ku Kana muzi uwaku Galile, kuko kuno wasenwile manzi yaya waini. Kwali musika umwi uwa kwi sano wino mwana wakwe umonsi walwile mu Kapenaumu.

Yoane 4:46 ပူးပေါင်းရင်းမြစ်များ

Masamu 50:15

Mwemo mwandaizya sile ndi mwazanzwa na malanda. Nemo namamutasyanga, namwe mumandumbanyanga.

Masamu 78:34

Lino wakomilepo yamwi asile penepo, yamwi ali pakuwelulukila kunoli, iyazenzuka nu kuzenzuka nupya iyamupepa wakwe cimwi.

Oseya 5:15

“Alino lyene ndaswilila ku cifulo cane, mpaka lino antu yane yalazumila ukuti yali nu mulandu, nu kutandika ukundondandonda. Mu ucuzi wao yalezya ukundonda ni myenzo yao yonsi kuti yanzane.”

Mateo 15:22

Lyene umwanaci umwina Kenani uwikalanga pipi nu ku cifulo cii aiiza alaizya ati, “Mwene, we mwana wakwe Davidi, ya na mizu kunondi! Mwanane kaci akacuziwa cuze nu mupasi wankota.”

Mateo 4:13

Lyene afuma ku Nazaleti, aiiza ikala mu Kapenaumu, musumba uwamu nkumba yakwe yemba, mu mipaka ya Zabuloni na Nafutali.

Mateo 9:18

Lino acili akuvwanga amazwi yaa kunoyali, umwi uwali intunguluzi iyamu cifulo cii, aiiza kunoli. Alino amufukamila, amunena ati, “Mwanane kaci wafwa likwene. Lelo tuye ukamwikepo ikasa lyako, nga amaya umumi.”

Luka 4:23

Yesu ayanena ati, “Cumi, mumangumila ipinda lii, likati, ‘Sing'anga, ipozye wemwisikulu. Ucite na kuno mwinu vino tuvwa wacita ku Kapenaumu.’”

Luka 7:2

Kuku kwali musika wa mpuka ya vita umwanda onga uwakweti muomvi wino watemilwe cuze. Muomvi wii walwile pipi nu kufwa.

Luka 8:42

Pano umwana wakwe wenga sile kaci, uwali ni myaka manye ikumi na iili, wali pipi nu kufwa. Lino Yesu wayangako, amaumba yamuunganila.

Yoane 2:12

Pacisila cakwe cii Yesu, nyina, aina nga na alondezi yakwe yaya ku Kapenaumu, iikalako manda yanono.

Yoane 21:2

Simoni Petulo, Tomasi (wino akaamwa ukuti Didimo), Natanaeli (uwafumile ku Kana, uwaku Galile), yamwana Zebedi aonsi, nga na alondezi yauze yaili, yaa yonsi yali pamwi.

Yoswa 19:28

Alino umupaka uwa iuya ku Ebuloni, nu ku Leobu, nu ku Hamoni na Kanaa, iufika nu ku Sidoni mukulu.