Yoane 4:37 - Amazwi Yakwe Leza 2013

³⁷ Pano muvwango uu uwa cumi, uwakuti, ‘Umwi akakomela, nga muze nawe akazombola.’

Yoane 4:37 ပူးပေါင်းရင်းမြစ်များ

Yobo 31:8

Lyene umwi kaize alye vino nakomiile, navino vyamela umu calo cane navyo kayaviipoole.

Mika 6:15

Mulakomela lelo mutalazombola, muleenga amafuta ya miolivi, lelo mutalayaomvya. Mulafena amatingi lelo mutalamwa waini wayako.

Luka 19:21

Noofile, pano wewe mutale. Ukatola cino utika nupya ukazombola pano utakomile.’

Yoane 14:12

Cumi namunena nati, wino akuntaila wene alacita vicitwa vino nkacita, nga ni vikulu kuluta, pano nkuya kuli Tata.

Yoane 4:36

Na ndakai kazombola akulipilwa malipilo yakwe nga nu kukoozya vizao ku umi wape. Caleka kata wa mbezu na kazombola kwene, oili yalazangila pamwi.

Yoane 4:38

Mwemo namutuma ku kuzombola mu vyalo vino mutalimile. Yauze ayano yalimile, nga namwe mukazana muzano pali vino yaomba.”

Yakapingula 6:3

Lyonsi lino aina Izlaeli yalima ivilimwa vyao, aina Midyani yiiza pamwi na ina Amaleke nga na amu mitundu yuze yamu lwanga iyayazanza.